गेवराई (प्रतिनिधी) – ठाकर तालुक्यातील मारुतीचे आडगाव येथे हनुमान जन्मोत्सवानिमित्त दरवर्षीप्रमाणे यंदाही अखंड हरिनाम सप्ताहाचे आयोजन मोठ्या भक्तिभावाने करण्यात आले आहे.
या सप्ताहाची सांगता उद्या, दि. 10 एप्रिल 2026 रोजी होणार असून सकाळी 10 ते 12 या वेळेत परिसरातील भाविकांनी मोठ्या संख्येने उपस्थित राहून कीर्तनाचा लाभ घ्यावा, असे आवाहन ग्रामस्थांकडून करण्यात आले आहे.
सांगता कार्यक्रमानिमित्त ह.भ.प. विष्णू महाराज जगताप यांचे अमृततुल्य काल्याचे कीर्तन आयोजित करण्यात आले आहे. त्यानंतर भागवत क्षीरसागर यांच्या वतीने महाप्रसादाचे आयोजन करण्यात आले आहे.
या धार्मिक कार्यक्रमात सहभागी होऊन कीर्तन व महाप्रसादाचा लाभ घ्यावा, असे आवाहन मारुतीचे आडगाव येथील ग्रामस्थ व तरुणांनी केले आहे.
