कन्नड : प्रतिनिधी
कन्नड तालुक्यातील सामाजिक कार्यकर्ते शरद थोरात यांची आजाद समाज पार्टी (कांशीराम) (ASP) च्या जिल्हा महासचिवपदी निवड करण्यात आली आहे. त्यांच्या या निवडीमुळे तालुक्यातील कार्यकर्त्यांमध्ये उत्साहाचे वातावरण निर्माण झाले असून विविध स्तरातून त्यांचे अभिनंदन होत आहे.
फुले-शाहू-आंबेडकर-कांशीराम यांच्या “बहुजन हिताय, बहुजन सुखाय” या विचारसरणीचा प्रसार करण्यासाठी शरद थोरात हे सातत्याने कार्यरत आहेत. पक्षाचे राष्ट्रीय अध्यक्ष खासदार चंद्रशेखर आजाद यांच्या नेतृत्वावर विश्वास ठेवून त्यांनी पक्षासाठी तन, मन, धनाने काम केले आहे. कन्नड तालुक्यात एक सक्रिय व समर्पित कार्यकर्ता म्हणून त्यांची ओळख निर्माण झाली आहे.
त्यांच्या या कार्याची दखल घेत जिल्हाध्यक्ष विजय शिनगारे तसेच प्रदेश महासचिव अरविंद कांबळे (मराठवाडा प्रभारी) यांनी शरद थोरात यांची जिल्हा महासचिवपदी नियुक्ती केली आहे. या नियुक्तीमुळे पक्ष संघटनात्मकदृष्ट्या अधिक बळकट होईल, असा विश्वास व्यक्त करण्यात येत आहे.
या निवडीबद्दल कन्नड परिसरात सर्वत्र आनंद व्यक्त होत असून संजय भालेराव, मोगल चिमाजी, राजू धनेधर, दिनकर बनसोडे, दिनकर जाधव, नाना साळवे व मनोहर जाधव आदींनी शरद थोरात यांचे अभिनंदन केले आहे.
