प्रतिनिधी:- तुषार शिंपी( एरंडोल)
एरंडोल येथे क्रांतीसुर्य महात्मा फुले यांची १९९ वी जयंती मोठ्या उत्साहात साजरी करण्यात आली. यावेळी मान्यवरांच्या हस्ते महात्मा फुले यांच्या पुतळ्यास माल्यार्पण करण्यात आले. यानंतर असंख्य युवकांनी मोटरसायकल रॅलीचे आयोजन केले. रॅली दरम्यान शहरातील महापुरुषांच्या पुतळ्यांना माल्यार्पण करण्यात आले. यावेळी जय ज्योती जय क्रांतीच्या घोषणांचा जयघोष करण्यात आला. त्याचप्रमाणे महात्मा फुले पुतळा चौक येथे महात्मा फुले युवा क्रांती मंचच्या वतीने भव्य रक्तदान शिबिर आयोजित करण्यात आले. या शिबिरात सुमारे ६५ लोकांनी रक्तदानाचे कर्तव्य बजावले. त्यात प्रामुख्याने उपनगराध्यक्ष सौ.सुनीता माळी व नगरसेविका सौ.आरती महाजन यांनी देखील उत्स्फूर्तपणे रक्तदानात सहभाग नोंदवला. याप्रसंगी उपस्थित मान्यवरांनी क्रांतीसुर्य महात्मा ज्योतिबा फुले यांच्या जीवनपटावर मनोगत व्यक्त केले.
कार्यक्रमास नगराध्यक्ष डॉ.नरेंद्र ठाकूर, माजी नगराध्यक्ष देविदास महाजन, माजी नगराध्यक्ष किशोर निंबाळकर, माजी नगराध्यक्ष राजेंद्र चौधरी, माजी नगराध्यक्ष दशरथ महाजन, माजी नगराध्यक्ष शोभाताई महाजन, उपनगराध्यक्ष सुनीता माळी, नगरसेविका आरती महाजन, नगरसेवक प्रा मनोज पाटील, नगरसेवक अनिल महाजन, नगरसेवक मयूर महाजन, नगरसेवक रवींद्र महाजन, नगरसेवक योगेश महाजन, माजी नगरसेवक रुपेश माळी, यशवंतराव चव्हाण शिक्षण प्रसारक मंडळाचे अध्यक्ष अमित पाटील, सावता माळी शिक्षण प्रसारक मंडळाचे अध्यक्ष विजय महाजन, बाजार समितीचे माजी सभापती शालिग्राम गायकवाड, निवृत्त तहसीलदार अरुण माळी,.
युवासेनेचे माजी जिल्हा समन्वयक अतुल महाजन, माजी उपनगराध्यक्ष कुणाल महाजन, माजी उपनगराध्यक्ष संजय महाजन, विकास संस्थेचे माजी अध्यक्ष दुर्गादास महाजन, शिवसेनेचे जगदीश पाटील, युवा क्रांती मंचचे माजी अध्यक्ष कैलास महाजन, राष्ट्रवादी काँग्रेसचे शहराध्यक्ष ईश्वर बिऱ्हाडे, प्रमोद महाजन, आनंदा चौधरी,राजेंद्र महाजन, गजानन महाजन, प्रल्हाद महाजन, आय जी माळी, अरुण महाजन, पी जी चौधरी आदी मान्यवर उपस्थित होते. सायंकाळी महात्मा फुले चौकापासून शहरातील प्रमुख रस्त्यांवरून सवाद्य मिरवणुकीचे आयोजन करून कार्यक्रमाची सांगता करण्यात आली. कार्यक्रम यशस्वीतेसाठी युवा क्रांती मंचचे अध्यक्ष अध्यक्ष राहुल माळी, उपाध्यक्ष सागर पाटील, सचिव भावेश महाजन, गणेश महाजन, सचिन माळी, समाधान महाजन, कमलेश महाजन, नितीन महाजन यांच्यासह अनेक पदाधिकाऱ्यांनी परिश्रम घेतले.
