मारेगाव (प्रतिनिधी) : वनी विधानसभा मतदारसंघाचे आमदार संजय निळकंठ देवकर यांची (IBTA) आदर्श बहुजन शिक्षक समिती, यवतमाळच्या जिल्हाध्यक्षपदी निवड करण्यात आली आहे. या निवडीमुळे त्यांच्या जबाबदाऱ्यांमध्ये आणखी भर पडली आहे.
विधानसभा निवडणुकीत बहुमताने विजयी झाल्यानंतर आमदार देवकर यांनी मतदारसंघातील विविध कामांकडे तत्परतेने लक्ष दिले आहे. नागरिकांकडून मिळणाऱ्या समस्यांवर त्वरित प्रतिसाद देत विकासकामे सुरळीतपणे राबविण्याचा त्यांचा प्रयत्न असल्याचे स्थानिक स्तरावर बोलले जात आहे.
आदर्श बहुजन शिक्षक समितीच्या जिल्हाध्यक्षपदाची जबाबदारीही ते सक्षमपणे पार पाडतील, असा विश्वास व्यक्त केला जात आहे. याबाबत संजय निळकंठ दरेकर यांनी प्रतिक्रिया देत, “त्यांच्या कार्यपद्धतीमुळे या पदालाही न्याय मिळेल,” असे सांगितले.
या निवडीबद्दल आमदार देवकर यांनी सर्वांचे आभार मानत, भविष्यातही समाजोपयोगी कार्य अधिक प्रभावीपणे करण्याचा निर्धार व्यक्त केला आहे.
