विडुळ : दिनांक १० एप्रिल २०२६ रोजी गावात आयोजित शासकीय शिबिरात एका गरजू व अत्यंत गरीब महिलेला दिलासा देणारी घटना घडली. तहसीलदारांच्या उपस्थितीत संबंधित महिलेला अंतोदय राशन कार्ड प्रदान करण्यात आले.
पतीच्या निधनानंतर अत्यंत कठीण परिस्थितीत संसार चालवणाऱ्या या महिलेला लहान मुलांची जबाबदारी सांभाळत शेतमजुरी करून उदरनिर्वाह करावा लागत होता. तिची ही परिस्थिती लक्षात घेऊन सामाजिक कार्यकर्त्या तथा शेतकरी संघटनेच्या तालुका अध्यक्षा धनश्रीताई बिचेवार यांनी पुढाकार घेत शासकीय योजनेचा लाभ मिळवून देण्यासाठी प्रयत्न केले.
त्यांच्या सातत्यपूर्ण पाठपुराव्यामुळे आणि प्रशासनाच्या सहकार्याने या महिलेला अंतोदय राशन कार्ड मंजूर झाले. शिबिरात तहसीलदारांच्या हस्ते कार्डाचे वितरण करण्यात आले, ज्यामुळे संबंधित कुटुंबाला मोठा आधार मिळाला आहे.
धनश्रीताई बिचेवार यांच्या निस्वार्थ सेवेमुळे समाजात सकारात्मक संदेश जात असून त्यांच्या कार्याचे सर्व स्तरांतून कौतुक होत आहे.
📌 चौकट
“गरजूंना मदत करणे हीच खरी माणुसकी आहे… माझ्याकडून शक्य असेल तितके समाजासाठी काम करत राहणार आहे,” असे धनश्री बिचेवार यांनी सांगितले.
