अंदरसूल/ श्री सुनिल गायकवाड
विखरणी (ता. येवला, जि. नाशिक) येथील लक्ष्मी इंग्लिश मिडीयम पब्लिक स्कूल अँड ज्युनियर कॉलेज येथे महात्मा ज्योतिराव फुले यांची जयंती मोठ्या उत्साहात साजरी करण्यात आली.
या कार्यक्रमाच्या प्रसंगी संस्थेचे अध्यक्ष डॉ. मोहन शेलार सर, सेक्रेटरी ज्योती शेलार मॅडम, माध्यमिक व ज्युनियर कॉलेजचे प्राचार्य भास्कर खेमनर सर तसेच प्राथमिक विभागाच्या प्राचार्या वनिता पवार मॅडम उपस्थित होते.
कार्यक्रमात महात्मा फुले यांच्या प्रतिमेला पुष्पहार अर्पण करून अभिवादन करण्यात आले. त्यांच्या सामाजिक कार्याचा व शिक्षण क्षेत्रातील योगदानाचा गौरव करण्यात आला. यावेळी सर्व शिक्षक व शिक्षिका मोठ्या संख्येने उपस्थित होते.
कार्यक्रमाचे वातावरण प्रेरणादायी व उत्साहपूर्ण होते.
