बातमी :
अंदरसुल (प्रतिनिधी – सुनील गायकवाड) : जिल्हा परिषद प्राथमिक शाळा, सुरेगाव रस्ता येथे क्रांतिसूर्य Mahatma Jyotiba Phule यांची २०० वी जयंती मोठ्या उत्साहात साजरी करण्यात आली.
कार्यक्रमाची सुरुवात महात्मा फुले यांच्या प्रतिमेचे पूजन करून करण्यात आली. गावातील प्रतिष्ठित नागरिक कचरू आबा चव्हाण यांच्या हस्ते प्रतिमापूजन करण्यात आले, तर प्रमुख पाहुणे म्हणून देविदास चव्हाण उपस्थित होते.
यानंतर इयत्ता पहिली ते चौथीच्या विद्यार्थ्यांनी महात्मा फुले यांच्या जयंतीनिमित्त मनोगत व्यक्त करत त्यांच्या जीवनकार्याविषयी माहिती सादर केली. विद्यार्थ्यांच्या सहभागामुळे कार्यक्रमात उत्साहपूर्ण वातावरण निर्माण झाले.
कार्यक्रम यशस्वी करण्यासाठी मुख्याध्यापिका श्रीमती भालेराव मॅडम, श्रीमती शिंदे मॅडम व श्रीमती निकाळे मॅडम यांनी विशेष परिश्रम घेतले.
