मुख्यमंत्री फडणवीस यांच्या हस्ते ऑनलाईन लोकार्पण; ९ कोटी ६४ लाखांचा निधी खर्च
जामखेड तालुका प्रतिनिधी अमृत कारंडे
ग्रामीण भागातील विद्याथ्यर्थ्यांना आधुनिक शिक्षणाच्या प्रवाहात आणण्याच्या उद्देशाने कर्जत आणि जामखेड तालुक्यात डिजिटल शिक्षणाची मोठी क्रांती घडत आहे. विधानपरिषदेचे सभापती राम शिंदे यांच्या स्थानिक विकासनिधीतून जिल्हा परिषद शाळांमध्ये अत्याधुनिक डिजिटल सुविधा उपलब्ध करून देण्यात येत आहेत. या उपक्रमामुळे ग्रामीण भागातील विद्यार्थ्यांना आधुनिक तंत्रज्ञानाचा लाभ मिळत असून स्पर्धात्मक युगात समान संधी उपलब्ध होत आहेत.
सोमवार, १३ एप्रिल २०२६ रोजी सकाळी १० वाजता या उपक्रमांतर्गत १४० शाळांमध्ये ६५ इंची इंटरॅक्टिव्ह पॅनल, ई-लर्निंग सॉफ्टवेअर, वायरलेस कीबोर्ड-माऊस आणि ऑफलाईन
युपीएस या साहित्याचे लोकार्पण करण्यात येणार आहे. या सोहळ्यास मुख्यमंत्री देवेंद्र फडणवीस दूरदृश्य प्रणालीद्वारे सहभागी होणार आहेत. या सोहळ्यास पालकमंत्री राधाकृष्ण विखे, ग्रामविकास मंत्री जयकुमार गोरे यांच्यासह वरिष्ठ अधिकारी, शिक्षक, विद्यार्थी, पालक आणि स्थानिक नागरिक उपस्थित राहणार आहेत. या प्रकल्पासाठी एकूण ९ कोटी ६४ लाख २७ हजार रुपयांचा निधी खर्च करण्यात
प्रकल्पाचे स्वरूप
या प्रकल्पांतर्गत विद्यार्थ्यांना दृक-श्राव्य माध्यमातून सुलभ शिक्षण मिळणार असून शिक्षकांच्या अध्यापन कौशल्यात वाढ होईल. यामुळे विद्यार्थ्यांचा सहभाग आणि आत्मविश्वास वृद्धिंगत होऊन ग्रामीण-शहरी शैक्षणिक दरी कमी होण्यास मोठी मदत होणार आहे.
आला असून एकूण ३४३ शाळांना डिजिटल शैक्षणिक संच वितरित करण्यात येत आहेत. यामध्ये कर्जत तालुक्यातील २२५, जामखेडमधील ११४ आणि अहिल्यानगरमधील ४ शाळांचा समावेश आहे. या योजनेची अंमलबजावणी २०२२-२३ मध्ये ७१ शाळा, २०२४-२५ मध्ये १२८ शाळा आणि २०२५-२६ मध्ये १४० शाळा अशा विविध टप्प्यांत करण्यात आली आहे.
