आज धडगांव तालुक्यातील ग्रामपंचायत वावी तर्फे अंगणवाडी सेविका व मदतनीस यांना लहान मुलांना, गरोदर मातांना व स्तनदा मातांना पौष्टिक व स्वच्छ आहार वेळेवर उपलब्ध व्हावा या उद्देशाने आवश्यक स्वयंपाक साहित्याचे वाटप.
अक्राणी (प्रतिनिधी) ग्रामपंचायत वावी येथे मा. सरपंच गणपत बोटा ठाकरे यांच्या हस्तेस्वयंपाक साहित्याचे वाटप करण्यात आले. या अंतर्गत कुकर, पातले, चमचा, हांडे, पाण्याचे ग्लास, बादली, कोठी इत्यादी विविध प्रकारचे साहित्य देण्यात आले. तसेच जिल्हा परिषद शाळा वावी यांनाही आवश्यक साहित्य उपलब्ध करून देण्यात आले.
हे साहित्य पुढील केंद्रांना देण्यात आले होते –
📍 कारभारी पाडा
📍 उमरीमालपाडा
📍 पाटील पाडा
📍 आंबाबारी पाडा
📍 जि. प. शाळा वावी
अंगणवाडी केंद्रे ही ग्रामीण भागातील लहान मुलांचे पोषण, गरोदर माता व स्तनदा मातांचे आरोग्य संरक्षण आणि बालकांच्या उज्ज्वल भविष्यासाठी अत्यंत महत्त्वाची भूमिका बजावत आहेत. या उपक्रमामुळे संबंधित केंद्रांमध्ये आहार शिजविण्याची सुविधा अधिक सक्षम होणार असून लाभार्थ्यांना वेळेवर व गुणवत्तापूर्ण आहार मिळण्यास मदत होईल.
ग्रामपंचायत वावी गावाच्या सर्वांगीण विकासासाठी कटिबद्ध असून शिक्षण, आरोग्य व पोषण क्षेत्रात पुढील काळातही अशाच लोकहिताच्या उपक्रमांना प्राधान्य देण्यात येईल असे ( सरपंच गणपत ठाकरे ) यांनी सांगितले
