विरारच्या शिरसाड फाटा येथील घटना; चालक फरार तिल्हेर जिल्हा परिषद शाळेत कार्यरत होत्या स्वीडल गोम्स; रस्ता ओलांडताना काळाचा घाला..
वसई – मुंबई-अहमदाबाद महामार्गावरील विरार शिरसाड नाका येथे शनिवारी सकाळी एक काळजाचा थरकाप उडवणारी घटना घडली. विरुद्ध दिशेने येणाऱ्या एक भरधाव हायवा ट्रकने जिल्हा परिषद शाळेच्या एका शिक्षिकेला धडक दिली. या भीषण अपघातात त्यांचा जागीच मृत्यू झाला. मिळालेल्या माहितीनसार स्वीडल गोम्स (४०) असे मयत शिक्षिकेचे नाव असुन त्या वसई पश्चिमेच्या निर्मळ येथे राहत होत्या. त्या तिल्हेर, म्हस्कर पाडा येथील जिल्हा परिषद शाळेत शिक्षिका म्हणुन कार्यरत होत्या. शनिवारी सकाळी नेहमीप्रमाणे त्या शाळेत जाण्यासाठी निघाल्या होत्या परंतु शिरसाड नाका येथे बस स्टॉपवर जाण्यासाठी त्या रस्ता ओलांडत असताना, शिरसाडकडून भामटपाडा गावाकडे विरुद्ध दिशीने जाणाऱ्या एका हायवा ट्रकने त्यांना पाठीमागून जोरदार धडक दिली. धडक इतकी भीषण होती की, ट्रकचे टायर अंगावरून गेल्याने स्वीडल गोम्स यांचा जागीच मृत्यू झाला अपघात घडल्यानंतर चालक ट्रकसह घटना स्थळावरून फरार झाला.
घटनेची माहिती मिळताच मांडवी पोलिसांनी तातडीने घटनास्थळी धाव घेतली. पोलिसांनी मृतदेह ताब्यात घेऊन शवविच्छेदनासाठी शासकीय रुग्णालयात पाठवला.. फरार ट्रक चालकाचा शोध पोलीस घेत असुन. याप्रकरणी गुन्हा दाखल करण्यात आल्याची माहिती पोलिसांनी दिली आहे. या दुर्दैवी घटनेमळे तिल्हेर जिल्हा परिषद शाळेतील विद्यार्थी, पालक आणि शिक्षक वर्गावर शोककळा पसरली आहे. एका कर्तव्यदक्ष शिक्षिकेचा अशा प्रकारे मृत्य झाल्याने परिसरात हळहळ व्यक्त होत आहे. ट्रक चालकांच्या बेदरकारपणाला आवर घाला. महामार्गावर हायवा ट्रक्सची दहशत वाढली असून, अनेकदा हे हायवा क्षमतेपेक्षा जास्त मालाची वाहतूक करतात. “विरुद्ध दिशोने वाहन चालवणे. अती वेग आणि अप्रशिक्षित चालक यांमुळे निष्पाप लोकांचे बळी जात आहेत. प्रशासनाने आता तरी जागे होऊन अशा बेदरकारपणे हायवा वाहने चालविणाऱ्यावर
कारवाई करावी अशी मागणी नागरिकांनी केली.
