सोलापूर / प्रतिनिधी :
माळशिरस तालुक्यातील खुडूस गावात क्रांतीसूर्य महात्मा ज्योतिराव फुले व डॉ. बाबासाहेब आंबेडकर यांच्या संयुक्त जयंतीनिमित्त दिनांक ११ एप्रिल २०२६ रोजी भव्य रक्तदान शिबिर तसेच मोफत आरोग्य तपासणी शिबिराचे आयोजन करण्यात आले.
या उपक्रमांतर्गत रक्तदान शिबिरासोबतच डोळे तपासणी, मुळव्याध व मुतखडा तपासणी अशा विविध मोफत वैद्यकीय सेवा नागरिकांसाठी उपलब्ध करून देण्यात आल्या. या रक्तदान शिबिरात सुमारे १४० कार्यकर्त्यांनी उत्स्फूर्त सहभाग घेत रक्तदान करून सामाजिक बांधिलकी जपली.
कार्यक्रमाचे उद्घाटन माळशिरस पोलीस स्टेशनचे पीआय विकास दिंडोरे यांच्या हस्ते करण्यात आले. यावेळी अॅड. शाहजी ठवरे, अॅड. धनाजी ठवरे, सुरज ठवरे, रामचंद्र चौगुले, प्रताप कांबळे, पत्रकार श्रीमंत बनकर, पुणे शहर पोलीस धनाजी वाघमारे यांच्यासह अनेक कार्यकर्ते उपस्थित होते.
फुले-शाहू-आंबेडकर व प्रबुद्ध विकास प्रतिष्ठानच्या वतीने सर्व रक्तदात्यांचा सत्कार करून त्यांना छोटेखानी भेट देत आभार व्यक्त करण्यात आले.
या सामाजिक उपक्रमामुळे गावात आरोग्याबाबत जागरूकता वाढण्यास मदत झाली असून नागरिकांकडून या उपक्रमाचे स्वागत करण्यात आले.
