धुळे/नंदुरबार (प्रतिनिधी – विनोद पाटील) – सैताने ग्रामीण भागातील ज्येष्ठ शिवसैनिक तथा माजी तालुका अध्यक्ष शांतीलाल अण्णा यांचे निधन झाले असून त्यांच्या निधनामुळे परिसरात शोककळा पसरली आहे.
शांतीलाल अण्णा यांनी बराच काळ शिवसेना तसेच भारतीय जनता पार्टी या दोन्ही पक्षांत तालुका अध्यक्ष पदाची जबाबदारी समर्थपणे सांभाळली होती. साधेपणा, जनसंपर्क आणि गोरगरिबांच्या कामासाठी तत्पर असलेले व्यक्तिमत्व म्हणून त्यांची ओळख होती.
त्यांच्या निधनामुळे राजकीय व सामाजिक क्षेत्रात मोठी पोकळी निर्माण झाली असून अनेकांनी त्यांना श्रद्धांजली अर्पण केली आहे.
