. भारम/ अंदरसुल प्रतिनिधी (भगवान रोठे/ श्री सुनिल गायकवाड) येवला तालुक्यातील आदर्श ग्रामपंचायत भारम व येवला पंचायत समिती तर्फे भारम पंचकृषीतील शेतकरी हितासाठी भव्य शेतकरी मेळावा सोमवार दिनांक २०/०४/२०२६ रोजी न्यू इंग्लिश स्कूल भारम. या ठिकाणी सायंकाळी ठीक ४ .०० वा. आयोजित केला असून यावेळी प्रमुख पाहुणे म्हणून मा. श्री. पंजाबराव डख साहेब (जगप्रसिद्ध हवामान तज्ञ) व मा.डॉ. श्री. पुरुषोत्तम वायाळ साहेब (जगप्रसिद्ध जलतारा प्रकल्पाचे जनक, राज्य सदस्य आदर्श गाव समिती, आर्ट ऑफ लिव्हीग राज्य समन्वयक)तसेच मा. श्री. राहुल पाटील साहेब (जिल्हा प्रचारक जळगाव एस.आर.टी. शेती तंत्रज्ञान मार्गदर्शक) हे शेतकऱ्यांना मार्गदर्शन करणार आहेत. हा मेळावा येवला तालुका पंचायत समितीचे माननीय गटविकास अधिकारी संदीपजी वायाळ सर व सौ मंदाताई संजय गांजे सरपंच भारम यांच्या संयुक्त विद्यमाने आयोजित केले असून,
शेतकरी हितासाठी बदलत्या हवामानावर आधारित शेती व जमिनीतील भूजल पातळी, वाढविण्यासाठी दुष्काळी परिस्थितीला कायमचा राम राम करण्यासाठी लाभदायक असणारा व पाणी पातळीत वाढ करून समृद्ध शेतकरी तयार करण्यासाठी सिद्ध झालेला जलतारा प्रकल्प, मोठ्या प्रमाणात राबविण्यासाठी, व शेतीतील नवनवीन तंत्रज्ञान/प्रयोग वापरून(एस.आर.टी) शेतकऱ्यांना उत्पादन वाढीसाठी मदत करणे, हा या मेळाव्याचा मुख्य उद्देश असून, परिसरातील शेतकऱ्यांसह, तालुक्यातील शेतकऱ्यांनी या मेळाव्याचा लाभ घ्यावा. असे आवाहन माननीय गटविकास अधिकारी पंचायत समिती येवला व सरपंच ग्रामपंचायत भारम यांनी केले आहे.
