कोळनुर येथे महात्मा बसवेश्वर जयंती उत्साहात साजरी

कोळनुर | प्रतिनिधी

कोळनुर येथे जगतज्योती महात्मा बसवेश्वर यांची 921 वी जयंती मोठ्या उत्साहात आणि भक्तिभावाने साजरी करण्यात आली. गावकरी मंडळाच्या वतीने आयोजित या सोहळ्यात ग्रामस्थांचा उत्स्फूर्त सहभाग पाहायला मिळाला.

या निमित्ताने महिला भजनी मंडळ व पुरुष भजनी मंडळ यांच्या वतीने भजन-कीर्तनाचे आयोजन करण्यात आले होते. संपूर्ण गाव भक्तिमय वातावरणात रंगून गेले होते.

कार्यक्रमाला गावचे सरपंच रवि चोले, तंटामुक्ती अध्यक्ष जनार्दन चोले, तात्याराव चोले, पत्रकार राम चाले यांच्यासह गावातील मान्यवर आणि तरुण वर्ग मोठ्या संख्येने उपस्थित होते.

महात्मा बसवेश्वर यांच्या विचारांचा जागर करून समाजात एकोपा आणि सद्भावना वाढवण्याचा संदेश यावेळी देण्यात आला.