परळी | प्रतिनिधी
पुरुषोत्तम मासानिमित्त दुधाटे देऊळगाव येथे भव्य नगरसंकीर्तन कार्यक्रमाचे आयोजन करण्यात आले आहे. बुधवार, दिनांक 27 मे 2026 रोजी हा धार्मिक कार्यक्रम मोठ्या भक्तिमय वातावरणात पार पडणार असून भाविकांमध्ये उत्साहाचे वातावरण निर्माण झाले आहे.
हा कार्यक्रम श्रीमान मधुपती गोपीनाथ प्रभुजी व अभय कृष्ण प्रभुजी यांच्या गावात आयोजित करण्यात आला आहे. कार्यक्रमासाठी परळी येथून सकाळी ८:३० वाजता गाड्या रवाना होणार असल्याची माहिती आयोजकांकडून देण्यात आली.
या कार्यक्रमात HG अनादिराम प्रभुजी यांचे प्रवचन होणार असून HG महातीर्थ प्रभुजी यांच्या हस्ते हरिनाम संकीर्तन सेवा सादर करण्यात येणार आहे. तसेच सुबंल बंधू दास यांच्या उपस्थितीत नृसिंह आरतीचे आयोजन करण्यात आले आहे.
या पवित्र हरिनाम संकीर्तनामध्ये सहभागी होऊन श्रीकृष्ण कृपा प्राप्त करावी, असे आवाहन आयोजकांनी सर्व भक्तांना केले आहे. “हरिनाम संकीर्तन हे कलियुगातील महान यज्ञ आहे,” असा संदेशही यावेळी देण्यात आला आहे.
