अक्कलकोट (प्रतिनिधी) : महाराष्ट्र नाभिक महामंडळ, अक्कलकोट शहर व तालुक्याच्या वतीने सोलापूर जिल्हा परिषदेच्या नूतन पदाधिकाऱ्यांचा सत्कार समारंभ जिल्हा परिषद कार्यालयात उत्साहात पार पडला. नूतन निवड झालेल्या प्रशासकीय व राजकीय मान्यवरांचा शाल व पुष्पगुच्छ देऊन गौरव करण्यात आला.
यावेळी सोलापूर जिल्हा परिषदेचे नूतन मुख्य कार्यकारी अधिकारी कुशल जैन, अध्यक्ष दीपक वैध आणि उपाध्यक्ष इंद्रजीत पवार यांचा विशेष सत्कार करण्यात आला. तसेच माजी जिल्हा परिषद सदस्य आनंद तानवडे, वागदरी गटाचे नूतन सदस्य प्रवीण तानवडे, करकंब गटाचे सदस्य आदिनाथ देशमुख आणि शिरवळ पंचायत समितीचे सदस्य गणेश मोरे यांचाही सन्मान करण्यात आला.
‘जपानी सलून खुर्ची’ योजनेची मागणी
सत्कार समारंभानंतर महाराष्ट्र नाभिक महामंडळाच्या वतीने नूतन पदाधिकाऱ्यांना निवेदन देण्यात आले. जिल्हा परिषदेच्या शेष निधीतून ग्रामीण भागातील नाभिक समाजाच्या उत्कर्षासाठी ‘जपानी सलून खुर्ची’ योजना राबवावी, अशी आग्रही मागणी करण्यात आली. ही योजना दरवर्षी सातत्याने राबवून ग्रामीण भागातील सलून व्यावसायिकांना आधुनिक साधनसामग्रीचा लाभ मिळावा, अशी अपेक्षा व्यक्त करण्यात आली.
मान्यवरांची उपस्थिती
या कार्यक्रमाला महामंडळाचे प्रदेश उपाध्यक्ष वैभव शेटे, जिल्हाध्यक्ष संजय चिकले, उपाध्यक्ष प्रभाकर सुरवसे, सचिव भागवत विभुते यांची प्रमुख उपस्थिती होती. तसेच अक्कलकोट तालुकाध्यक्ष शिवशरणप्पा सुरवसे, शहराध्यक्ष लक्ष्मण विभूते, बापू काळे, सामाजिक कार्यकर्ते शहाबुद्दीन शेख, कुतुबुद्दीन शेख, महिला अध्यक्षा अनुराधा सुरवसे, युवती अध्यक्षा भाग्यश्री काळे, नागेश कोरे, संजय माने, पंकज सुरवसे यांच्यासह समाजबांधव मोठ्या संख्येने उपस्थित होते.
