शिर्डी / प्रतिनिधी
समाजात सकारात्मक परिवर्तन घडवून आणण्यासाठी कार्यरत असलेल्या बीद चेज फाउंडेशन तर्फे यावर्षीचा ‘महाराष्ट्र गुण गौरव पुरस्कार २०२६’ जाहीर करण्यात आला आहे. हा गौरव सोहळा दि. १७ मे २०२६ रोजी शिर्डी येथे संपन्न होणार आहे.
सामाजिक क्षेत्रातील उल्लेखनीय योगदानाबद्दल काशिनाथ थोंडू देसले यांना या प्रतिष्ठित पुरस्काराने सन्मानित करण्यात येणार आहे.
आपल्या कार्यक्षेत्रात दिलेली निःस्वार्थ सेवा, समाजात निर्माण केलेली सकारात्मक प्रेरणा आणि सामाजिक बांधिलकी लक्षात घेऊन संस्थेने त्यांच्या नावाची निवड केली आहे. काशिनाथ देसले यांचे कार्य अनेकांसाठी प्रेरणादायी ठरत असून त्यांच्या योगदानामुळे समाजात परिवर्तनाची नवी दिशा निर्माण होत असल्याची भावना संस्थेकडून व्यक्त करण्यात आली आहे.
या पुरस्कार घोषणेनंतर विविध स्तरांतून काशिनाथ देसले यांच्यावर अभिनंदनाचा वर्षाव होत आहे.
