विद्यार्थ्यांनी मेहनत, जिद्द आणि चिकाटीच्या जोरावर मिळवले घवघवीत यश
जळकोट / प्रतिनिधी
जळकोट तालुक्यातील गुरुदत्त उच्च माध्यमिक विद्यालय, जळकोट यांनी यंदाच्या शालांत परीक्षेत उल्लेखनीय यश संपादन केले असून विद्यालयाचा एकूण निकाल ९८.७९ टक्के लागला आहे. विद्यार्थ्यांनी मेहनत, जिद्द, अभ्यास आणि चिकाटीच्या जोरावर हे यश खेचून आणले आहे.
यामध्ये ४३ विद्यार्थ्यांनी विशेष प्राविण्य मिळवले असून २८ विद्यार्थी प्रथम श्रेणीत तर १० विद्यार्थी द्वितीय श्रेणीत उत्तीर्ण झाले आहेत.
विद्यालयातील गुणवंत विद्यार्थ्यांमध्ये समीक्षा रामकिशन वंजे हिने १०० टक्के गुण मिळवत विशेष यश संपादन केले. तसेच अक्षद अतुलसिंह चौहान याने ९९.६० टक्के गुण मिळवून द्वितीय क्रमांक पटकावला, तर स्वरा सुचित रायेवार हिने ९८ टक्के गुण मिळवत तृतीय क्रमांक मिळवला.
सर्व उत्तीर्ण विद्यार्थ्यांचे विद्यालयातील शिक्षक, गुरुजन आणि संस्थेच्या वतीने अभिनंदन करण्यात आले. तसेच “सारथी महाराष्ट्राचा” परिवाराकडूनही यशस्वी विद्यार्थ्यांवर शुभेच्छांचा वर्षाव करण्यात आला.
