खामगांव | दि. 23 मे 2026
एकनिष्ठा गौ सेवा रक्तसेवा फाउंडेशन व Adani Foundation यांच्या संयुक्त विद्यमाने शासकीय रक्तपेढीत भव्य रक्तदान शिबिराचे आयोजन करण्यात आले. “सुई होती, पण वेदनेसाठी नाही… रक्त होतं, पण वाचवण्यासाठी,” या भावनेतून पार पडलेल्या या शिबिरात पोलिस अधिकारी SDPO प्रदीपजी पाटील आणि रक्तमित्र सुरजभैय्या यादव यांनी एकत्र रक्तदान करून शिबिराची सुरुवात केली.
खाकी वर्दीतील नियमित रक्तदाते प्रदीपजी पाटील यांनी रक्तदान केले, तर सुरजभैय्या यादव यांनी तब्बल 56 व्यांदा रक्तदान करून उपस्थितांचे लक्ष वेधून घेतले. 2008 ते 2026 या 18 वर्षांच्या काळात त्यांनी 56 वेळा रक्तदान करत सुमारे 19.6 लिटर रक्तदान केले असून, अंदाजे 168 जणांना जीवनदानाचा आधार मिळाला आहे.
रक्तदानानंतर प्रदीपजी पाटील म्हणाले, “वर्दीचा अर्थ फक्त पकडणं नाही, वाचवणं पण आहे. मी नियमित रक्तदान करतो कारण एका पिशवीने तीन जणांचे प्राण वाचतात. एकनिष्ठा फाउंडेशनचे कार्य अत्यंत कौतुकास्पद आहे.”
कार्यक्रमात प्रमुख पाहुण्यांचा सत्कार एकनिष्ठा फाउंडेशन व अदाणी फाउंडेशनच्या वतीने करण्यात आला. तसेच 56 वेळा रक्तदान केल्याबद्दल सुरजभैय्या यादव यांचाही विशेष सन्मान करण्यात आला.
या शिबिरात प्रदीप शमी, चेतन कदम, विकास शेगोकार, जयेश पारीक, श्रीराम उगले, शिवम मानकर, ज्ञानेश्वर भोंडे, प्रतिक ताठे, भागवत पाचपोर, अमर गावंडे, राजु खंडारे, विशाल कोळी, पांडुरंग कोळसे, महेश राऊत, ओम सिंघानिया, मंगेश सोळंके, रोहीत तंबोले, सागर डांगे, संकेत बाळापूरे, गणेश महाले, नंदकिशोर फरपट, विनोद इंगळे, आशुतोष अग्रवाल, गोविंदा कुकडे, रामेश्वर सुडोकार, शेख अयुब, राहील खान, शेख अन्सार, शेख अकिम, इस्माईल खान, मोहमद खलील, जुनेद खान, कामरान देशमुख यांच्यासह 50 शिलेदारांनी रक्तदान केले. या रक्तदानामुळे सुमारे 150 जणांना जीवनदानाचा आधार मिळणार आहे.
कार्यक्रमाचे सूत्रसंचालन राजेश पारीक यांनी केले. यावेळी अजय कडुकार, राजु घाटे, अजय निंबाळकर, योगेश राऊत, नरेश मसनेवार, कैलास दणके, प्रवीण आखरे, विक्की सारवान, हर्षद कारिया, ईशाक मोहम्मद, तौफिक हस्मानी तसेच सामान्य रुग्णालयाचे वैद्यकीय अधिकारी, रक्तपेढी अधिकारी, टेक्निशियन व कर्मचारी उपस्थित होते.
कार्यक्रमाच्या शेवटी प्रदीपजी पाटील म्हणाले, “एकनिष्ठा फाउंडेशनला रक्तदान क्षेत्रात कधीच रक्ताची कमी पडू देणार नाही. कारण आमचं काम आहे – वाचवणं.”
शिबिरात सहभागी झालेल्या सर्व रक्तदात्यांचे आभार एकनिष्ठा व अदाणी फाउंडेशनच्या वतीने प्रदीप शमी आणि ईशाक मोहम्मद यांनी मानले, अशी माहिती शिवम मानकर यांनी प्रसिद्धीपत्रकाद्वारे दिली.
