खामगाव | प्रतिनिधी
खामगाव तालुक्यातील ग्रामीण भागातील मोठ्या गावांपैकी एक असलेल्या पिंपळगाव राजा येथे भारत लॉनमध्ये शिवसेना पक्षाच्या वतीने भव्य पक्षप्रवेश सोहळा आणि बूथ प्रमुख (BLA-2) बैठक उत्साहपूर्ण वातावरणात पार पडली. यावेळी शेकडो कार्यकर्त्यांनी शिवसेनेत जाहीर प्रवेश करत पक्ष संघटना अधिक मजबूत करण्याचा निर्धार व्यक्त केला.
बैठकीदरम्यान बूथस्तरावर जाऊन BLA-2 फॉर्म भरून घेण्यात आले तसेच SIR सर्वेक्षणाबाबत कार्यकर्त्यांना सविस्तर माहिती देण्यात आली. पिंपळगाव राजा पंचायत समिती सर्कलमधील ३४ BLA-2 पदाधिकाऱ्यांची नियुक्तीही यावेळी करण्यात आली.
शिवसेना पक्षाचे मुख्यनेते तथा राज्याचे उपमुख्यमंत्री Eknath Shinde यांनी समाजातील सर्व घटकांसाठी घेतलेल्या विविध कल्याणकारी निर्णयांमुळे शिवसेनेकडे सर्वसामान्य नागरिकांचा वाढता कल दिसून येत असल्याचे यावेळी वक्त्यांनी सांगितले. तसेच बुलढाणा लोकसभा मतदारसंघाचे खासदार तथा केंद्रीय मंत्री Prataprao Jadhav यांच्या नेतृत्वावर युवकांचा वाढता विश्वास असल्याचेही नमूद करण्यात आले.
यावेळी बुलढाणा विधानसभा मतदारसंघाचे आमदार संजय गायकवाड, शिवसेना संपर्कप्रमुख संजय सोनार, जिल्हाप्रमुख संतोष डिवरे यांच्या मार्गदर्शनाखाली संघटन बांधणीवर विशेष भर दिला जात असल्याचे सांगण्यात आले.
खामगाव विधानसभा क्षेत्रात हिंदू सेवक अँड अमोल अंधारे यांच्या शिवसेनेतील प्रवेशानंतर संघटनात्मक कामाला अधिक वेग मिळाला असून गावोगावी जाऊन बूथनिहाय BLA-2 नियुक्त्यांचा आढावा घेतला जात आहे. उर्वरित नियुक्त्याही लवकर पूर्ण करण्याचे निर्देश पदाधिकाऱ्यांना देण्यात आले.
आगामी निवडणुकांच्या पार्श्वभूमीवर बूथस्तरावरील नियोजन, संघटन मजबुतीकरण आणि स्थानिक पातळीवरील प्रभावी रणनीती याबाबत कार्यकर्त्यांना मार्गदर्शन करण्यात आले. तसेच BLA नियुक्ती प्रक्रियेत येणाऱ्या अडचणी आणि त्यावरील उपाययोजनांवरही सविस्तर चर्चा झाली.
या कार्यक्रमाला शिवसेना तालुकाप्रमुख राजेंद्र बघे, पिंटू पाटील यांच्यासह जबिउल्ला सेट, अशपाक भाई, केशव बोंबटकर, गजानन दाते, बंटी ठाकरे, हिरालाल माकोडे, भागवत इंगळे, मो. फारुक, रमेश गिरे, रहमान भाई, रईस भाई, राम बावस्कर, गजानन चोपडे, अभिषेक वानखेडे, मंगेश वानखेडे, मुन्ना महाले, रामेश्वर महाले, प्रवीण ठाकरे तसेच पक्षप्रवेश केलेले सैय्यद जावेद शेख, जाफर जुबेर खान, मो. शोएब, सलीम खान, सैय्यद नकीम, प्रशांत वानखडे, सैय्यद मोबिन, युनूस भाई, नूर भाई, मो. साजिद, बबलू भाई आदींसह शेकडो शिवसैनिक उपस्थित होते.
