श्रीरामपूर (प्रतिनिधी) –
भारत सरकारच्या गृह मंत्रालयाचे जनगणना निरीक्षक श्रीकांत बनकर यांनी श्रीरामपूर तालुक्यातील ग्रामीण भागात भेट देऊन जनगणना २०२६ अंतर्गत पहिल्या टप्प्यातील घरगणना कामाचे प्रत्यक्ष स्थळ निरीक्षण केले.
निरीक्षणादरम्यान श्रीकांत बनकर यांनी प्रत्यक्ष क्षेत्रावर जाऊन प्रगणक व पर्यवेक्षक यांच्याशी विविध तांत्रिक व व्यावहारिक मुद्द्यांवर सविस्तर चर्चा केली. कामकाजादरम्यान येणाऱ्या अडचणी आणि त्यावरील उपाययोजनांबाबत त्यांनी कर्मचाऱ्यांना महत्त्वपूर्ण मार्गदर्शन केले.
या प्रसंगी नायब तहसीलदार दत्तात्रय शेकटकर, सहाय्यक महसूल अधिकारी निलेश इंगळे तसेच तांत्रिक सहाय्यक राजेश कवाने उपस्थित होते. निरीक्षणानंतर जनगणना कामकाज अधिक गतीने व अचूकपणे पूर्ण करण्याबाबत सूचना देण्यात आल्या.
