पांढरकवडा ता. प्रति /एस. पी. ठाकरे
तालुक्यातील मोहदा येथे वाडिपोड परिसरात रुंझा येथील 32वर्षीय युवक श्रावण विठ्ठल आत्राम हा वाडी पोड मोहदा येथे भंगार घेऊन संडास करीता शेजारील नाल्याजवळ गेला असता सुमारे दुपारी 1.30वा. चे दरम्यान त्यास तीव्र उन्हाचा झटका बसून तो जागीच गतप्राण झाला.
काही वेळाने एक इसम गुरे पाहण्याकरिता गेला असता त्याचे निदर्शनास आल्या नंतर त्यांनी गावात चर्चा केली तथ नंतर पोलीस पाटील पियुष गब्रानी यांना दूरध्वनी द्वारे कळविण्यात आले. पो. पा. यांनी तातडीने घटना स्थळावर धाव घेऊन पो. स्टे. पांढरकवडा यांना माहिती दिली.
तातडीने पो. स्टे. जमादार श्री दराडे साहेब आपल्या टीम सह घटना स्थळी पोहचून पंचनामा करून मृतदेह उत्तरीय तपासणी करीता पांढरकवडा येथे पाठविण्यात आला.
पुढील तपास बिट जमादार दराडे व अन्य करीत आहे.
हा कुठलाही घात पात नसून उष्माघाताचा बळी असल्याचे प्राथमिक अंदाजावरून लक्षात आले.
