श्रीगोंदा :प्रतिनिधी
अजिंक्य सोशल फौंडेशन पुणे यांच्या वतीने महाराष्ट्र दिना निमित्त राज्यस्तरीय महाराष्ट्र गौरव ‘ शिक्षक रत्न ‘ पुरस्कार श्रीगोंदा तालुक्यातील मांडवगण येथील उपक्रमशिल शिक्षक राजेंद्र वाघमारे, संगिता राऊत व डॉ. संध्या चव्हाण यांना संत तुकाराम महाराज यांचे दहावे वंशज शिवाजी महाराज मोरे, डॉ. अशोक सोनवणे, डॉ राजेंद्र मोरे, नगरसेवक ॲड . विनायक दादा गायकवाड, फौंडेशनचे अध्यक्ष सचिन पवार, उपाध्यक्षा संगिता भालेराव, सदस्य बाळासाहेब राठोड यांचे शुभहस्ते लोकनेते लक्ष्मणराव जगतापसभागृह पिंप्री चिंचवड येथे प्रदान करण्यात आला. डॉ. संध्या विजय चव्हाण यांनी महाविद्यालयात शिक्षणशास्त्र विषयात एम फिलच्या आठ व पीएच. डी च्या पाच विद्यार्थ्यांना मार्गदर्शन केले आहे. एम फिल व पीएच. डी च्या विद्यार्थ्यांना मार्गदर्शनासाठी पाच पुस्तकांचे लेखन त्यांनी केले आहे.तसेच संशोधनपर तीस पेपर त्यांचे राष्ट्रीय व राज्य स्तरावर प्रकाशित झाले आहेत. विद्यार्थ्यांना विशेष मार्गदर्शन, व्याख्याने व कृती कार्यशाळेचे आयोजन, तसेच वृक्षारोपन व वृक्ष संवर्धन आदि उपक्रम त्यांनी राबवले आहेत.
राजेंद्र वाघमारे यांनी शाळेतील वंचित विद्यार्थ्यांसाठी बचत बँक, पाठांतर स्पर्धा, उपस्थिती वाढविण्यासाठी बक्षीस योजना आदि उपक्रम शाळेत राबविले.
तसेच संगीता राऊत यांनी विद्यार्थ्यांचे झटपट वाचन, सुंदर हस्ताक्षर, मुलींसाठी आरोग्य विषयक चांगल्या सवयींसाठी उपक्रम शाळेत राबविले. या सर्व उपक्रमांची दखल घेऊन त्यांना सन्मानित करण्यात आले. आभार विश्वस्त बाळासाहेब राठोड यांनी मानले.तालुक्यातून त्यांचेवर अभिनंदनाचा वर्षाव होत आहे.
