28 आणि 29 मे रोजी सुरक्षेच्या कारणास्तव सारसबाग उद्यान बंद
| प्रतिनिधी अमर पठारे
पुणे शहर पोलीस आयुक्तालयाच्या कार्यक्षेत्रात कायदा व सुव्यवस्थेचा प्रश्न निर्माण होऊ नये, तसेच नागरिकांच्या सुरक्षिततेच्या दृष्टीकोनातून 28 आणि 29 मे रोजी सारसबाग उद्यान बंद ठेवण्याचा निर्णय प्रशासनाकडून घेण्यात आला आहे.
पोलीस उपायुक्त विशेष शाखा, पुणे शहर यांनी प्रतिबंधात्मक आदेश जारी केले असून, त्यानुसार दोन दिवस नागरिकांना सारसबाग उद्यानात प्रवेश बंद राहणार आहे. या कालावधीत सुरक्षेच्या पार्श्वभूमीवर पोलीस प्रशासनाकडून विशेष खबरदारी घेण्यात येणार असल्याची माहिती देण्यात आली.
नागरिकांनी प्रशासनाला सहकार्य करावे तसेच अफवांवर विश्वास ठेवू नये, असे आवाहनही पोलीस प्रशासनाकडून करण्यात आले आहे.
मनपा महापौर मंजुषा नागपुरे यांनीही नागरिकांनी शांतता व सुव्यवस्था राखण्यासाठी सहकार्य करण्याचे आवाहन केले आहे.
