प्रतिनिधी — अमर पठारे
शिर्डी, दि. २१ मे २०२६ — युवा क्रांती फाऊंडेशन अंतर्गत पोलीस मित्र संघटनेचे संस्थापक तथा राष्ट्रीय अध्यक्ष रविंद्र सूर्यवंशी यांच्या मार्गदर्शनाखाली शिर्डी येथे आयोजित करण्यात आलेला भव्य मेळावा अत्यंत दिमाखदार आणि संस्मरणीय वातावरणात पार पडला. कार्यक्रमाचे उत्कृष्ट नियोजन, आकर्षक सजावट आणि प्रत्येक बाबीकडे बारकाईने दिलेले लक्ष यामुळे उपस्थित मान्यवर आणि सदस्य भारावून गेले.
“साधू-संत येती घरा, तोचि दिवाळी-दसरा” या उक्तीप्रमाणे कार्यक्रमाचे वातावरण मंगलमय आणि प्रेरणादायी होते. संघटनेच्या कार्यपद्धतीबाबत बोलताना रविंद्र सूर्यवंशी यांनी महिलांच्या सुरक्षेची ठाम भूमिका मांडली. संघटनेत कुठलाही वशिला चालत नसून केवळ कामाच्या जोरावर पद आणि सन्मान मिळतो, तसेच सर्व अधिकृत मान्यता प्राप्त झालेली भारतातील ही एकमेव संघटना असल्याचे त्यांनी स्पष्ट केले.
कार्यक्रमात गेल्या वर्षभरातील कार्याचा आढावा घेत महिला महाराष्ट्र प्रदेशाध्यक्षा व मुंबई अध्यक्षा स्मिता बांदेकर यांचा शाल, ट्रॉफी आणि सन्मानपत्र देऊन टाळ्यांच्या गजरात गौरव करण्यात आला. हा क्षण त्यांच्यासाठी अविस्मरणीय ठरला.
राष्ट्रीय युवती अध्यक्षा जयश्री अहिरे यांनी महिलांना प्रेरणादायी मार्गदर्शन करत कार्यक्रमात नवचैतन्य निर्माण केले. राष्ट्रीय उपाध्यक्ष डॉ. राजेंद्र हेन्द्रे यांच्या प्रभावी सूत्रसंचालनामुळे संपूर्ण कार्यक्रम रंगतदार झाला.
यावेळी राष्ट्रीय सल्लागार दिनेश मेहता, महाराष्ट्र प्रदेश अध्यक्ष मधुकर अहिरे, महाराष्ट्र युवा अध्यक्ष शिवाजीराव शेलार तसेच राष्ट्रीय सचिव व मुंबई-ठाणे-पालघर प्रभारी राकेश वाघ यांची भाषणे विशेष लक्षवेधी ठरली.
“मुंबईचा मान, आमचा सन्मान” या भावनेतून राकेश वाघ यांच्या नेतृत्वाखाली मुंबई टीमने तब्बल २७ ट्रॉफी जिंकत विशेष गौरव मिळवला. मुंबई अध्यक्ष धनेश रामरख्याणी यांना मानाची पहिली ट्रॉफी प्रदान करण्यात आली, तर मुंबई युवा अध्यक्ष कुणाल शाह यांनी देखील मानाची ट्रॉफी पटकावली. त्यामुळे मुंबई टीमचा संपूर्ण महाराष्ट्रात गौरव करण्यात आला.
मुंबई महिला उपाध्यक्ष जसविंदर सिंग राणा यांची ठाणे जिल्हा प्रभारी म्हणून नियुक्ती करण्यात आली असून त्यांनाही ट्रॉफी प्रदान करण्यात आली.
संपूर्ण कार्यक्रमात विविध मान्यवर पदाधिकाऱ्यांचा शाल, ट्रॉफी आणि सन्मानपत्र देऊन सत्कार करण्यात आला. स्वादिष्ट नाश्ता व जेवणाची उत्तम व्यवस्था करण्यात आली होती. कार्यक्रमातून उपस्थितांना अधिक जोमाने सामाजिक कार्य करण्याची प्रेरणा मिळाली.
कार्यक्रमाच्या शेवटी सर्व उपस्थितांनी संघटनेच्या कार्याचे कौतुक करत पुढील वर्धापन दिनानिमित्त आणखी उत्कृष्ट कार्य करून अधिक गौरव मिळवण्याचा निर्धार व्यक्त केला.
महाराष्ट्र राज्य महिला अध्यक्षा तथा मुंबई महिला अध्यक्षा स्मिता बांदेकर व मुंबई टीमच्या वतीने संपूर्ण महाराष्ट्रातील युवा क्रांती टीमचे मनःपूर्वक आभार व्यक्त करण्यात आले तसेच “जय युवा क्रांती”च्या घोषणांनी संपूर्ण सभागृह दुमदुमून गेले.
