शहादा,दि.२६(का.प्र.)
शहादा शहरात २५ मे रोजी परम संत भीमा भोई यांच्या जयंतीचे औचित्य साधून शहादा भोई पंचमंडळाच्या वतीने ‘संत भीमा भोई चौक’ येथे अत्यंत आनंदी आणि उत्साहपूर्ण वातावरणात जयंती उत्सव साजरा करण्यात आला. याप्रसंगी विविध सामाजिक उपक्रम आणि मान्यवरांच्या उपस्थितीने कार्यक्रमाची शोभा वाढली.
जयंतीच्या पावन पर्वावर चौकातील संत भीमा भोई यांच्या पहिल्या फलकाचे पूजन शहादा भोई पंच मंडळाचे अध्यक्ष संजय साठे यांच्या हस्ते पुष्पहार व श्रीफळ अर्पण करून करण्यात आले. तर दुसऱ्या फलकाचे प्रतिमा पूजन मंडळाचे उपाध्यक्ष उमाकांतभाऊ शिवदे यांच्या हस्ते झाले. तसेच, अखिल भारतीय भोई समाज सेवा संस्थेचे कार्याध्यक्ष सुपडूभाऊ खेडकर यांच्या हस्ते तिसऱ्या फलकावर माल्यार्पण व श्रीफळ अर्पण करून अभिवादन करण्यात आले.याप्रसंगी ज्येष्ठ सामाजिक कार्यकर्ते तथा माजी नगरसेवक जयवंतभाऊ मोरे यांनी उपस्थितांना संबोधित केले. त्यांनी संत भीमा भोई यांच्या बालपणातील संघर्ष आणि त्यांच्या समाजोद्धारक कार्याविषयी सविस्तर मनोगत व्यक्त करून त्यांच्या विचारांचा वारसा पुढे
नेण्याचे आवाहन केले.या सोहळ्याचे विशेष आकर्षण म्हणजे, अखिल भारतीय भोई समाज वधू-वर परिचय कल्याणकारी मंचच्या वतीने तयार करण्यात आलेल्या वधू-वरांच्या माहितीच्या पीडीएफ पुस्तिकेचा प्रकाशन सोहळा मान्यवरांच्या हस्ते अत्यंत थाटात संपन्न झाला. या उपक्रमाचे समाज बांधवांकडून कौतुक होत आहे.या मंगलमयी कार्यक्रमाला शहादा भोई पंचमंडळाचे सचिव गुलाबराव सोनवणे, सहसचिव आर.डी. मोरे सर, राष्ट्रीय सदस्य जयंतीलालभाऊ खेडकर, माजी अध्यक्ष अशोकभाऊ शिवदे, वधू-वर परिचय मंचाचे संचालक महेंद्र खेडकर सर, सुरेशभाऊ मोरे, शांतीलाल साठे, मोहन मोरे सर, माजी युवा अध्यक्ष योगेशभाऊ खेडकर उपस्थित होते.
तसेच निवृत्त पीएसआय रामलाल साठे, निवृत्त पीएसआय पंडित वाडीले, निवृत्त पीएसआय मधुकर साठे, संतोषभाऊ शिंगणे, मोहन साठे, काशिनाथ खेडकर, संजय तावडे सर, नथ्थू मोरे सर, तमखाने सर, आधार मोरे सर, चुडामन सूर्यवंशी, सी.डी.खेडकर सर, वसंतभाऊ नुक्ते, राजा खेडकर सर, स्वप्निल मोरे, राकेश खेडकर यांसह भोई समाजातील नागरिक मोठ्या संख्येने उपस्थित होते.कार्यक्रमाचे सूत्रसंचालन संजय खेडकर यांनी केले, तर उपस्थितांचे आभार गुलाबराव सोनवणे यांनी मानले.
