खासदार डॉ. हेमंत सवरा यांना ‘संसदरत्न’ पुरस्कार; विक्रमगडमध्ये आज जाहीर नागरी सत्कार सोहळा!
विक्रमगड: पालघर लोकसभा मतदारसंघाचे खासदार माननीय डॉ. हेमंत विष्णू सवरा यांना दिल्ली येथे प्रतिष्ठित ‘संसदरत्न’ पुरस्काराने सन्मानित करण्यात आले आहे. या देदीप्यमान यशाबद्दल भारतीय जनता पार्टी विक्रमगड तालुक्याच्या वतीने आज, गुरुवार दिनांक २८ मे २०२६ रोजी दुपारी ३:३० वाजता खासदार साहेबांच्या भव्य सत्कार व शुभेच्छा कार्यक्रमाचे आयोजन करण्यात आले आहे.
हा सोहळा विक्रमगड येथील माननीय आमदार श्री. हरिश्चंद्र भोये साहेब यांच्या जनसंपर्क कार्यालयात पार पडणार आहे.
खासदार डॉ. हेमंत सवरा यांनी संसदेत केलेल्या उत्कृष्ट कामगिरीची दखल घेऊन त्यांना हा राष्ट्रीय स्तरावरील बहुमान मिळाला आहे. त्यांच्या या यशामुळे संपूर्ण पालघर जिल्ह्यात आनंदाचे वातावरण असून, तालुक्यातून त्यांचा यथोचित गौरव करण्यासाठी भाजप कार्यकर्त्यांमध्ये मोठा उत्साह पाहायला मिळत आहे.
या ऐतिहासिक क्षणाचे साक्षीदार होण्यासाठी आणि लाडक्या खासदारांना शुभेच्छा देण्यासाठी विक्रमगड तालुक्यातील सर्व आजी-माजी पदाधिकारी, कार्यकर्ते आणि नागरिकांनी मोठ्या संख्येने उपस्थित राहावे, असे आवाहन भाजपचे विक्रमगड तालुका अध्यक्ष श्री. रवींद्र भडांगे, शहर अध्यक्ष सौ. जिजा निशिगंध टोपले, तसेच तालुका सरचिटणीस श्री. निशिकांत संखे, श्री. कमळाकर भोईर आणि श्री. प्रकाश राऊत यांच्या वतीने करण्यात आले आहे.
थोडक्यात तपशील:
- कार्यक्रम: खासदार डॉ. हेमंत सवरा यांचा ‘संसदरत्न’ पुरस्कारानिमित्त सत्कार
- स्थळ: मा. आमदार श्री. हरिश्चंद्र भोये साहेब यांचे जनसंपर्क कार्यालय, विक्रमगड.
- दिनांक: २८ मे २०२६ (आज, गुरुवार)
- वेळ: दुपारी ३.३० वाजता
