कन्नड / तालुका प्रतिनिधी ३५७९
कन्नड तालुक्यातील चापानेर येथील एका शेतकऱ्याच्या शेतातून अज्ञात चोरट्यांनी तब्बल ७० क्विंटल कांदा चोरून नेल्याची घटना उघडकीस आली आहे. या प्रकरणी कन्नड ग्रामीण पोलीस ठाण्यात गुन्हा दाखल करण्यात आला असून पुढील तपास सुरू आहे.
ग्रामीण पोलीस ठाण्यातून मिळालेल्या माहितीनुसार, चापानेर येथील शेतकरी ऋषिकेश विलास हिलाले यांनी याबाबत फिर्याद दिली आहे. फिर्यादीत नमूद केल्यानुसार, त्यांच्या चापानेर शिवारातील गट क्रमांक २५० मध्ये काढणी करून ठेवलेला सुमारे ७० क्विंटल कांदा दिनांक १४ मे रोजी सायंकाळनंतर अज्ञात चोरट्यांनी चोरून नेला.
चोरीस गेलेल्या कांद्याची किंमत सध्याच्या बाजारभावानुसार अंदाजे ३० हजार रुपये असल्याचे फिर्यादी ऋषिकेश हिलाले यांनी सांगितले. या घटनेमुळे परिसरातील शेतकऱ्यांमध्ये चिंतेचे वातावरण निर्माण झाले आहे.
या प्रकरणी अज्ञात आरोपीविरुद्ध कन्नड ग्रामीण पोलीस ठाण्यात गुन्हा दाखल करण्यात आला असून सहायक पोलीस आयुक्त रामचंद्र पवार यांच्या मार्गदर्शनाखाली पोलीस हेड कॉन्स्टेबल संदीप कनकुटे पुढील तपास करीत आहेत.
