पनवेल | कळंबोली | प्रतिनिधी :
शिवसेना पनवेल जिल्हाध्यक्ष तथा नगरसेवक Ramdas Shewale रामदास शेवाळे यांच्या ६० व्या वाढदिवसानिमित्त रविवारी (दि. ३१ मे) सेक्टर-१, कळंबोली येथील नवीन सुधागड शाळेत भव्य रोजगार मेळावा आणि मोफत कौशल्यविकास अभ्यासक्रमांचे आयोजन करण्यात आले. या उपक्रमाला युवकांचा उत्स्फूर्त प्रतिसाद लाभला.
मेळाव्याचे उद्घाटन Prashant Thakur आमदार प्रशांत ठाकूर आणि Nitin Patil महापौर नितीन पाटील यांच्या हस्ते करण्यात आले. यावेळी स्थायी समिती सभापती बबन मुकादम, नगरसेवक रवी भगत, नगरसेविका सायली सरक, शहराध्यक्ष तुकाराम सरक यांच्यासह अनेक मान्यवर उपस्थित होते.
१०० हून अधिक कंपन्यांचा सहभाग
या रोजगार मेळाव्यात १०० हून अधिक नामांकित कंपन्यांनी सहभाग नोंदवला. रोजगाराच्या शोधात असलेल्या हजारो युवक-युवतींनी सकाळपासूनच मेळाव्याच्या ठिकाणी गर्दी केली. विविध कंपन्यांकडून थेट मुलाखती घेण्यात आल्या असून शेकडो युवकांची विविध पदांसाठी निवड करण्यात आली.
याशिवाय, तरुणांना आत्मनिर्भर बनविण्यासाठी विविध मोफत कोर्सेस, कौशल्यविकास प्रशिक्षण आणि करिअर मार्गदर्शनाची सुविधाही उपलब्ध करून देण्यात आली.
कार्यक्रमाला माजी सभागृह नेते Paresh Thakur परेश ठाकूर यांच्यासह अनेक नगरसेवकांनी भेट दिली. तसेच पनवेल महानगरपालिकेचे विरोधी पक्षनेते Arvind Mhatre अरविंद म्हात्रे यांनी उपस्थित राहून रामदास शेवाळे यांना वाढदिवसाच्या शुभेच्छा दिल्या.
या संपूर्ण उपक्रमाचे नियोजन रामदास शेवाळे यांचे सुपुत्र तन्मय रामदास शेवाळे यांनी केले होते. हजारो युवकांची उपस्थिती असूनही मेळावा अत्यंत शिस्तबद्ध आणि सुरळीत पार पडला.
वाढदिवसानिमित्त केवळ औपचारिक कार्यक्रम न करता युवकांच्या रोजगारासाठी प्रत्यक्ष संधी उपलब्ध करून देणारा हा उपक्रम पनवेल आणि कळंबोली परिसरात विशेष कौतुकास पात्र ठरत आहे. रोजगाराभिमुख आणि समाजोपयोगी उपक्रमामुळे रामदास शेवाळे यांच्या कार्याचे सर्व स्तरांतून स्वागत करण्यात येत आहे.
