धुळे | प्रतिनिधी
महात्मा फुले कृषी विद्यापीठांतर्गत Krishi Vigyan Kendra Dhule आणि Lupin Foundation यांच्या संयुक्त विद्यमाने शेतकरी, ग्रामीण युवक, पशुपालक आणि महिलांसाठी “किफायतशीर शेळीपालन” या विषयावरील दोन दिवसीय प्रशिक्षण कार्यक्रम यशस्वीरित्या पार पडला. कृषि महाविद्यालय, धुळे येथे आयोजित या प्रशिक्षण कार्यक्रमाला उत्स्फूर्त प्रतिसाद लाभला.
कार्यक्रमाच्या अध्यक्षस्थानी Dr. Babanrao Ilhe होते. यावेळी प्रमुख उपस्थिती म्हणून Dr. Rahul Desale, Dr. Dinesh Nandre, Sunil Saindane, तसेच Dr. Pankaj Patil, Jagdish Kathepuri, Dr. Atish Patil, Dr. Dhanraj Chaudhari आणि Vinod Masule उपस्थित होते.
प्रास्ताविकात डॉ. दिनेश नांद्रे यांनी शेतीसोबतच पूरक व्यवसाय म्हणून शेळीपालनाचे महत्त्व अधोरेखित केले. कृषी विज्ञान केंद्रामार्फत शेतकरी, युवक, युवती आणि महिलांसाठी राबविण्यात येणाऱ्या विविध प्रशिक्षण व विकासात्मक उपक्रमांची माहितीही त्यांनी दिली.
प्रमुख मार्गदर्शन करताना डॉ. राहुल देसले यांनी पशुधनामधील शेळीपालनाचे वाढते महत्त्व, ग्रामीण अर्थव्यवस्थेतील त्याचे योगदान आणि रोजगार निर्मितीच्या संधी याविषयी सविस्तर माहिती दिली. तर सुनील सैंदाणे यांनी लुपिन फाउंडेशनमार्फत ग्रामीण विकासासाठी राबविण्यात येणाऱ्या विविध योजनांचा आढावा उपस्थितांसमोर मांडला.
अध्यक्षीय भाषणात डॉ. बबनराव इल्हे यांनी शेळीपालन व्यवसायाचे आर्थिक महत्त्व स्पष्ट करत महात्मा फुले कृषी विद्यापीठाने विकसित केलेल्या आधुनिक तंत्रज्ञानाचा लाभ घेण्याचे आवाहन केले. शास्त्रीय पद्धतीने शेळीपालन केल्यास पशुपालकांचे उत्पन्न वाढू शकते, असे त्यांनी सांगितले.
तांत्रिक सत्रांमध्ये डॉ. धनराज चौधरी यांनी भारत व महाराष्ट्रातील विविध शेळी जाती, त्यांची वैशिष्ट्ये, करडांचे संगोपन, आहार व्यवस्थापन, पशुपैदास धोरण, दूध व मांस विक्री व्यवस्थापन, शासकीय योजना तसेच शेळीपालन प्रकल्प अहवाल तयार करण्याबाबत सविस्तर मार्गदर्शन केले. तसेच Dr. Pramod Sakhare यांनी शेळ्यांची निगा, लसीकरण आणि रोग व्यवस्थापन या विषयांवर मार्गदर्शन केले.
प्रशिक्षणादरम्यान सहभागी प्रशिक्षणार्थींना कृषी विज्ञान केंद्रावरील शेळीपालन प्रकल्पाची प्रत्यक्ष भेट देण्यात आली. समारोपप्रसंगी मान्यवरांच्या हस्ते प्रशिक्षणार्थींना प्रमाणपत्रांचे वितरण करण्यात आले.
कार्यक्रमाचे सूत्रसंचालन डॉ. धनराज चौधरी यांनी केले, तर आभार प्रदर्शन डॉ. पंकज पाटील आणि डॉ. अतिश पाटील यांनी केले. प्रशिक्षणाच्या यशस्वी आयोजनासाठी कु. अमृता राऊत, श्री. रोहित कडू, कु. प्राची काळे, कु. स्वप्नाली कौटे, श्री. स्वप्नील महाजन, श्री. बाळू वाघ, श्री. कुमार भोये, श्री. मधुसूदन अहिरे, श्री. रमेश शिंदे, श्री. कुणाल राजळे, श्री. जीवन राणे तसेच कृषी विज्ञान केंद्रातील अधिकारी व कर्मचाऱ्यांचे मोलाचे सहकार्य लाभले.
ग्रामीण भागातील शेतकरी आणि पशुपालकांना शेळीपालन व्यवसाय अधिक शास्त्रीय आणि किफायतशीर पद्धतीने करण्यासाठी हे प्रशिक्षण उपयुक्त ठरल्याची भावना सहभागी प्रशिक्षणार्थींनी व्यक्त केली.
