उदगीर | प्रतिनिधी
उदगीर तालुक्यातील किणी (य) येथे स्व. माजी उपमुख्यमंत्री अजितदादा पवार यांच्या जयंतीनिमित्त मोफत नेत्ररोग निदान व शस्त्रक्रिया शिबिराचे आयोजन करण्यात आले. या शिबिराला नागरिकांचा उत्स्फूर्त प्रतिसाद लाभला.
शिबिरात एकूण ८० रुग्णांची नेत्रतपासणी करण्यात आली. तपासणीनंतर ३९ रुग्णांना मोतीबिंदू व इतर नेत्रशस्त्रक्रियेसाठी शिफारस करण्यात आली. त्यापैकी १८ रुग्णांना तत्काळ लायन्स क्लब नेत्र रुग्णालय, उदगीर येथे पुढील उपचार व शस्त्रक्रियेसाठी पाठविण्यात आले.
शिबिराच्या यशस्वी आयोजनासाठी शामभाऊ डावळे, डॉ. संतोष गुणाले, डॉ. देवेंद्र बिरादार, बालाजी बिरादार, अंगद मुळे, गुणवंतराव बिरादार, बालासाहेब बिरादार, ज्ञानोबा नारागुडे, अर्जून राजे, डॉ. विष्णू कांबळे, सैदुराम राजे, उमाकांत मुळे, रामकृष्ण पाटील, आयोध्याताई बिरादार आमगे, दिपा मोगले, जयवंत बिरादार, व्यंकटराव बिरादार आणि विजयकुमार बिरादार गुरुजी यांनी विशेष परिश्रम घेतले.
या उपक्रमामुळे ग्रामीण भागातील गरजू नागरिकांना मोफत नेत्रतपासणी व शस्त्रक्रियेची सुविधा उपलब्ध झाल्याने उपस्थितांनी आयोजकांचे कौतुक केले.
