औसा | प्रतिनिधी
औसा शहरातील कलावती वॉशिंग सेंटरच्या टेरेसवर सुरू असलेल्या निर्रट (तीन पत्ती) जुगार अड्ड्यावर औसा पोलिसांनी धाडसी कारवाई करत शिक्षकासह पाच जणांना रंगेहात पकडले. या कारवाईत एकूण १४ हजार ८५० रुपयांचा मुद्देमाल जप्त करण्यात आला असून, आरोपींविरुद्ध महाराष्ट्र जुगार प्रतिबंधक कायद्यान्वये गुन्हा दाखल करण्यात आला आहे.
पोलिसांना मिळालेल्या गुप्त माहितीनुसार, शहरातील कलावती वॉशिंग सेंटरच्या टेरेसवर काहीजण जुगार खेळत असल्याची माहिती मिळाली होती. त्यानुसार औसा पोलिसांनी नियोजनबद्ध पद्धतीने छापा टाकला. कारवाईदरम्यान शिक्षकासह पाच जण जुगार खेळताना आढळून आले. घटनास्थळावरून रोख रक्कम व जुगाराचे साहित्य असा एकूण १४ हजार ८५० रुपयांचा मुद्देमाल जप्त करण्यात आला.
या प्रकरणी पोलीस कर्मचारी किशोर परमेश्वर हंगे यांच्या फिर्यादीवरून संबंधित आरोपींविरुद्ध महाराष्ट्र जुगार प्रतिबंधक कायद्यानुसार गुन्हा दाखल करण्यात आला आहे.
ही कारवाई पोलीस निरीक्षक आर. के. डमाळे यांच्या मार्गदर्शनाखाली करण्यात आली असून, पुढील तपास पोलीस नाईक शेख करीत आहेत.
औसा पोलिसांच्या या कारवाईमुळे शहरातील अवैध जुगार अड्ड्यांवर मोठी धास्ती निर्माण झाली असून, अशा बेकायदेशीर प्रकारांवर यापुढेही कठोर कारवाई सुरू राहणार असल्याचे पोलिसांकडून सांगण्यात आले आहे.
