बार्शी प्रतिनिधी-
सन 2022 मधील पंधराव्या वित्त आयोगातील निधी रक्कम सहा लाख रुपये बंदिस्त गटारीसाठी वापर केला म्हणून तत्कालीन सरपंच व ग्रामसेवक यांनी पाणीपुरवठा अभियंता यांना हाताशी धरून निधी हडपला आहे. याबाबतीत तडवळे येथील ग्रामस्थ किरण शिवाजी जाधव यांनी मा.गटविकास अधिकारी पंचायत समिती बार्शी यांच्याकडे तक्रार केली.
या अनुषंगाने स्थापत्य अभियंता यांनी घटनास्थळी जाऊन पाहणी केली असता.सदर कामामध्ये अनियमितता झाल्याचे म्हटले आहे.जलजिवन योजनेचे पिण्याच्या पाण्यासाठी पाईपलाईनचे काम चालु असताना खोदलेल्या चारी मध्येच गटारीच्या नळ्या टाकलेल्या आहेत.व 15 व्या वित्त आयोगातुन चारी खोदकाम केल्याचे पुर्ण बिल काढले आहे.त्यामुळे पिण्याच्या पाईपलाईनला धोखा होऊ शकतो.त्यामुळे झालेले चुकीचे काम 15 दिवसात परत करण्याचे आदेश मा. उपविभागीय अभियंता पाणीपुरवठा विभाग बार्शी यांनी तत्कालीन सरपंच व ग्रामसेवक यांना दिले आहेत.
