शहादा,दि.12(का.प्र.)
शहादा शहरात वारंवार खंडित होणाऱ्या वीज पुरवठ्यामुळे नागरिक अत्यंत त्रस्त झाले असून, या समस्येवर कायमस्वरूपी तोडगा काढण्यासाठी विशेष प्रयत्न सुरू करण्यात आले आहेत. या पार्श्वभूमीवर महावितरणच्या अधिकाऱ्यांसोबत ज्येष्ठ नेते डॉ.कांतीलाल टाटिया यांच्या नेतृत्वाखाली एका शिष्टमंडळाची नुकतीच एक महत्त्वाची बैठक पार पडली. या बैठकीत तात्पुरत्या अडचणी दूर करण्यासोबतच भविष्यात असे प्रश्न पुन्हा उद्भवू नयेत यासाठी दीर्घकालीन उपाययोजनांवर सविस्तर चर्चा करण्यात आली.
पहिल्या बैठकीत शहरातील एकूण ट्रान्सफॉर्मर (डीपी), ओव्हरलोड असणारे भाग, वारंवार तक्रारी येणारे परिसर आणि जनतेच्या प्रत्यक्ष अडचणींचा आढावा घेण्यात आला. यानंतर दि. 11 ऑगस्ट रोजी झालेल्या दुसऱ्या बैठकीत वीज पुरवठा सुरळीत करण्यासाठी महत्त्वाचे तांत्रिक निर्णय घेण्यात आले.यांत लिंक लाईन व स्विच बसवणे-विकास फीडरला तातडीने लिंक लाईन जोडणे, 33 केव्ही फीडरचे विभक्तीकरण करणे आणि व्हर्टिकल डीओ इन्स्टॉल करण्याचा निर्णय झाला आहे.याशिवाय 10 महत्त्वाच्या ठिकाणी 13 आणि 14 ऑगस्ट रोजी ए. बी. स्विच बसवले जातील.11 केव्ही विकास फीडर: शिव प्लाझा, पद्मावती लॉन्स,11 केव्ही साईबाबा फीडर: श्रेयांस हॉस्पिटलजवळ, गणेश नगर, महागणेश, मोदी नगर,11 केव्ही मलोनी फीडर: डोंगरगाव रोड, गौरीनंदन, मिशन बंगला येथे बसविण्यात येणार आहेत.शहरातील रेस्ट हाऊस, वृंदावन नगर, मिशन बंगला, सौभाग्य मंगल कार्यालय, अमन कॉलनी, सदाशिव नगर, सुवर्ण नगर, विकास फीडर, मांगूशेठ नगर, गौरीनंदन, कुलकर्णी हॉस्पिटल, वेद कन्स्ट्रक्शन, द्वारका नगर, हरिओम नगर, स्वामीनारायण मंदिर, मोतीलाल गॅरेज, गोशिया नगर आणि कुबेर नगर अशा 19 ठिकाणी डीपींवर प्रचंड ताण असल्याचे निदर्शनास आले आहे.
नागरिकांच्या तक्रारी आणि ओव्हरलोड डीपींची माहिती तपासून पुढील महिन्याभरात 10 ठिकाणी नवीन अतिरिक्त डीपी बसवण्याची कार्यवाही केली जाईल. यामध्ये विकास हायस्कूल, सौभाग्य मंगल कार्यालय, डॉ. कुलकर्णी हॉस्पिटल, स्वामीनारायण मंदिर, द्वारकाधीश नगर, नितीन नगर, कुबेर नगर, सदाशिव नगर, गौरीनंदन आणि मिशन बंगला या परिसरांचा समावेश आहे. तसेच डॉ. बी. डी. पाटील यांच्या हॉस्पिटलला वेगळ्या लाईनने जोडण्याचेही निश्चित करण्यात आले आहे.शहादेकरांना भविष्यात अखंडित वीज मिळण्यासाठी दोन महत्त्वाच्या 33 केव्ही उपकेंद्रांचे काम हाती घेण्यात आले आहे.यांत 33 केव्ही सेंटर (मनरद) याचे मक्तेदार निश्चित झाले असून जुन्या 33 केव्ही सेंटरजवळील जागा ताब्यात घेण्याची प्रक्रिया सुरू आहे.33 केव्ही सेंटर (मोहिदा) या उपकेंद्राचे काम वेगाने सुरू असून ते फेब्रुवारी 2027 पर्यंत पूर्ण होणे अपेक्षित आहे.ही दोन्ही उपकेंद्र पूर्ण झाल्यानंतर शहादा शहरातील वारंवार खंडित होणाऱ्या विजेची समस्या पूर्णपणे निकाली निघेल.
महावितरणचे कार्यकारी अभियंता श्री. प्रसाद आणि उपअभियंता श्री. पुष्पेन्द्र पाडवी यांनी या समस्येची गंभीर दखल घेत अत्यंत सकारात्मक भूमिका घेतली आहे. त्यांनी प्रस्तावित केलेल्या उपाययोजनांमुळे शहादावासीयांना मोठा दिलासा मिळणार आहे. ठरलेली आणि राहिलेली कामे वेळेत पूर्ण झाल्यास महावितरणचे हे अधिकारी निश्चितच शहादेकरांच्या अभिनंदनास पात्र ठरणार आहेत अशी माहिती डॉ.कांतीलाल टाटिया यांनी दिली आहे.
