कडेगांव प्रतिनिधी
मुकुंद सुकटे
कडेगाव तालुक्यातील शेकडो महिला ग्राम सखी म्हणून तळागाळातील बचत गटांचे आर्थिक आणि सामाजिक व्यवस्थापन पाहतात. मात्र, गेल्या अनेक महिन्यांपासून त्यांच्या हक्काच्या मानधनाबाबत आणि नोकरीच्या अटींबाबत शासनाकडून दुर्लक्ष होत असल्याने महिलांमध्ये तीव्र असंतोष पसरला आहे.
निवेदन सादर:
तालुक्यातील प्रमुख ग्राम सखी प्रतिनिधींनी एकत्र येत कडेगाव पंचायत समिती गाठली आणि तेथील सभापती व वरिष्ठ अधिकाऱ्यांना मागण्यांचे सविस्तर निवेदन सुपूर्द केले.
निवेदनातील मुख्य मागण्या आणि प्रश्न
१. अल्प मानधनातून सुटका व निश्चित वेतन: सध्या ग्राम सखींना दिले जाणारे मानधन महागाईच्या तुलनेत अत्यंत कमी आहे. त्यामुळे त्यांना कामाच्या स्वरूपाचा विचार करून सन्मानजनक आणि निश्चित स्वरूपाचे मासिक वेतन सुरू करण्यात यावे.२. प्रलंबित मानधनाचे तात्काळ वितरण: गेल्या काही महिन्यांचे थकीत मानधन वेळेवर न मिळाल्याने सखींच्या कुटुंबावर आर्थिक संकट ओढावले आहे. हे थकीत मानधन तातडीने त्यांच्या बँक खात्यात जमा करावे.३. शासकीय कर्मचाऱ्यांचा दर्जा व ओळख: ‘उमेद’ अभियानाचे काम पूर्णवेळ आणि शासकीय योजनांवर आधारित असल्याने सर्व सखींना अधिकृत ओळखपत्रे (ID Cards) आणि शासकीय सुरक्षा कवच मिळावे.४. कामाचे जाचक निकष रद्द करणे: सखींवर कामाचा अतिरिक्त ताण दिला जातो, तसेच मानधनासाठी जाचक अटी व निकष लावले जातात, ते शिथिल करून कामात सुसूत्रता आणावी आमच्या मागण्यांचा सात दिवसात विचार करावा अन्यथा बेमुदत काम बंद आंदोलन चालू करणार असल्याचे सर्व ग्राम सखींनी सांगितले यावेळी कडेगाव तालुक्यातील मोठ्या संख्येने ग्राम सखी उपस्थित होत्या.
