नाशिक | प्रतिनिधी
जागतिक आदिवासी दिनाचे औचित्य साधून विविध मान्यवरांच्या उपस्थितीत वृक्षारोपण कार्यक्रमाचे आयोजन करण्यात आले. पर्यावरण संवर्धनाचा संदेश देत उपस्थितांनी वृक्षारोपण करून त्यांचे संगोपन करण्याचा संकल्प व्यक्त केला.
या कार्यक्रमाला आदिवासी सेनेचे संस्थापक अध्यक्ष नवनाथ भाऊ, आदिवासी उलगुलान सेनेचे संस्थापक अध्यक्ष प्रभाकर भाऊ फसाळे, तसेच आदिवासी वारली बहुउद्देशीय संस्था, नाशिकचे संस्थापक अध्यक्ष योगेशजी रिझंड यांची प्रमुख उपस्थिती होती.
यावेळी देविदास खोडे, प्रशांत थापड, योगेश जाधव, राहुल कडाळे, चंद्रकांत ईपाळ, विलास हुमण, प्रकाश हुमण, ज्ञानेश्वर हुमण आणि प्रविण हुमण यांच्यासह महिला मंडळातील सदस्य मोठ्या संख्येने उपस्थित होते.
जागतिक आदिवासी दिनाच्या निमित्ताने आयोजित या वृक्षारोपण उपक्रमातून पर्यावरण संरक्षण, वृक्षसंवर्धन आणि सामाजिक सहभागाचा संदेश देण्यात आला. कार्यक्रमात उपस्थितांनी वृक्षांचे संवर्धन करण्याचे आवाहन केले.
