पत्रकार कैलासराजे घरत खारपाडा पेण.
गुंज सामाजिक संस्था( दिल्ली) व महाराष्ट्र भूषण सामाजिक कार्यकर्ते पत्रकार कैलासराजे घरत( संस्थापक-अध्यक्ष: युवा फ्रेंडस सर्कल फाउंडेशन) यांच्या माध्यमातून पेण तालुक्यातील खारपाडा गाव, खारपाडा नाका व खारपाडा भोईरपाडा पूरग्रस्त नागरिकांना जीवनावश्यक वस्तूंच्या किटचे वाटप करण्यात आले. 5 ते 7 जुलै 2026 रोजी झालेल्या महापुरात या ग्रामस्थांच्या घरांमध्ये 5 ते 6 फूट पाणी मोठ्या प्रमाणावर शिरले होते. त्या नागरिकांना एक छोटी मदत म्हणून सामाजिक बांधिलकी जपत गुंज सामाजिक संस्था रायगड जिल्हा समन्वयक श्री आनंद खरे सर व पुरोगामी पत्रकार संघाचे रायगड जिल्हा संपर्क प्रमुख पत्रकार कैलासराजे घरत यांनी या पूरग्रस्त गावात जाऊन पाहणी करून त्यांच्या समस्या जाणून घेतल्या होत्या आणि आज त्याची पूर्तता केली. ज्या समाजात आपण राहतो त्या समाजाचे आपण काहीतरी देणं लागतो या सामाजिक भावनेतून हे सामाजिक कार्य गेली 28 वर्षे गुंज सामाजिक संस्था व युवा फ्रेंडस सर्कल फाउंडेशन करीत आहे.
त्यामध्ये प्रामुख्याने आपत्कालीन परिस्थितीत मदत(पूरग्रस्त, दरडग्रस्त नागरिकांना जीवनावश्यक वस्तूचे वाटप),मुलांच्या शैक्षणिक प्रगतीसाठी सर्वांगीण विकासासाठी शालेय शैक्षणिक साहित्य वाटप, आदिवासी भागात सामाजिक सहभागातून लोकसहभागातून “पाणी अडवा पाणी जिरवा संकल्पनेतून” बंधारा बांधणे, सामाजिक वनीकरण, गावच्या पाणी पुरवठा पाणवठे निर्माण करणे, रस्ते, सहकार्यातून योजना कार्यान्वित करणे असे विविध उपक्रम राबविले जात आहेत. पेण तालुक्यातील खारपाडा पंचक्रोशीतील खारपाडा गाव, खारपाडा नाका व खारपाडा भोईरपाडा येथील पूरग्रस्त नागरिकांना जीवनावश्यक वस्तूंच्या बॅगच्या किटचे वाटप करण्यात आले. सामाजिक कार्यकर्ते रुपेश एकनाथ देसले, सुरेंद्र धनाजी घरत, सौ.दिपा देविदास भोईर, राजेश रसाळ सर यांचे मोलाचे सहकार्य लाभले.
खारपाडा गावातील दानशूर व्यक्तिमत्व श्री अनिल रामचंद्र घरत यांनी बॅग किट ठेण्यासाठी आपले घर उपलब्ध करून दिले त्याबद्दल त्यांचे आभार यावेळी युवा फ्रेंडस सर्कल फाउंडेशनचे संस्थापक अध्यक्ष सामाजिक कार्यकर्ते पत्रकार कैलासराजे घरत यांनी आपले मनोगत व्यक्त करून गुंज सामाजिक संस्था अनेक समाजपयोगी उपक्रम राबवित असून आजचा उपक्रम त्याचाच एक भाग असून यापुढेही आपल्या सहकार्यातून या भागात सामाजिक उपक्रम राबविण्याचा आमचा प्रयत्न राहील असेच सहकार्य यापुढेही लाभत राहो अशी आशा यावेळी व्यक्त करण्यात आली. खारपाडा पंचक्रोशीतील खारपाडा गाव, खारपाडा नाका व खारपाडा भोईरपाडा येथील सर्व नागरिकांकडून या स्तुत्य उपक्रमाचे कौतुक करण्यात येत आहे. सर्वांच्या सहकार्याने हा स्तुत्य उपक्रम उत्साहात पार पडला.
