कोलाड येथील तटकरे चॅरिटेबल ट्रस्ट संचलित डॉ. श्री. नानासाहेब धर्माधिकारी कला, वाणिज्य व विज्ञान महाविद्यालय गोवे -कोलाड चे संस्थेचे सचिव मा .श्री. संदीपजी तटकरे यांच्या मार्गदर्शनाखाली राष्ट्रीय सेवा योजने अंतर्गत दि. 1/8/2026 रोजी लोकमान्य बाळ गंगाधर टिळक यांच्या पुण्यतिथीनिमित्त तसेच लोकशाहीर अण्णा भाऊ साठे यांच्या जयंतीनिमित्त अभिवादन कार्यक्रम उत्साहात संपन्न झाला.
यावेळी मंचावर प्राचार्य डॉ. विश्वास देशमुख, उप प्राचार्य नेहल प्रधान, कार्यालयीन अधीक्षक श्री. अमोल गोलिपकर ,कला विभाग प्रमुख डॉ.सतीश सावळे ,विज्ञान विभाग प्रमुख प्रा .शेळके रेश्मा, महिला कक्ष विभाग प्रमुख प्रा . अडलीकर जयवंती , राष्ट्रीय सेवा योजनेचे प्रमुख प्रा. अनिरुद्ध मोरे, आजीवन अध्ययन व विस्तार विभाग प्रमुख डॉ. अमलपुरे सूर्यकांत , जिमखाना विभाग प्रमुख प्रा. दर्शना माळी आदी मान्यवर उपस्थित होते.
कार्यक्रमाच्या प्रारंभी मान्यवरांच्या शुभ हस्ते लोकमान्य टिळक व लोकशाहीर अण्णा भाऊ साठे यांच्या प्रतिमेला पुष्पहार अर्पण करून अभिवादन करण्यात आले.
यावेळी प्राचार्य डॉ. विश्वास देशमुख यांनी आपल्या मनोगतात लोकमान्य टिळक यांच्या राष्ट्रप्रेम, स्वराज्याची संकल्पना आणि शिक्षणाविषयीचे विचार विद्यार्थ्यांसमोर मांडले. तसेच लोकशाहीर अण्णा भाऊ साठे यांनी आपल्या साहित्य, शाहिरी आणि सामाजिक कार्यातून वंचित समाजाला दिलेला आवाज, समता आणि सामाजिक न्यायासाठी केलेले योगदान यावर प्रकाश टाकला. अशा दोन्ही महान व्यक्तिमत्त्वांच्या कार्याचा गौरव करत त्यांचे विचार आजच्या पिढीसाठी प्रेरणादायी असल्याचे सांगितले.
विद्यार्थ्यांनी त्यांच्या कार्याचा आदर्श घेऊन समाजहित, राष्ट्रसेवा आणि सामाजिक समतेसाठी कार्य करण्याचा संकल्प करावा. असे विचार यावेळी मांडले.
तसेच डॉ. सावळे सतीश यांनी अण्णाभाऊ साठे यांच्या जीवनावर प्रकाश टाकून त्यांच्या विचारांची आजच्या विद्यार्थ्यांना आवश्यकता आहे त्यांचे साहित्य केवळ मर्यादित नव्हते नसून आज देशभरात त्यांच्या साहित्यावर संशोधन होत आहे एक प्रसिद्ध लेखक म्हणून त्यांची ओळख आहे. असे विचार मांडले.
या कार्यक्रमाचे सूत्रसंचालन व आभारप्रदर्शन प्रा. अनिरुद्ध मोरे यांनी केले.
हा कार्यक्रम यशस्वी करण्यासाठी महाविद्यालयातील सर्व प्राध्यापक, शिक्षकेतर कर्मचारी व विद्यार्थी मोठ्या संख्येने उपस्थित होते.
