पुरंदर ::प्रतिनिधी
डॉ. विनायक गायकवाड
पुरंदर ::सासवड येथील ‘पुरंदर क्रिकेट अॅकेडमी’चा अष्टपैलू क्रिकेटपटू राजवीर रवी फडतरे याची ‘महाराष्ट्र क्रिकेट असोसिएशन’तर्फे आयोजित अंडर-१४ स्पर्धेसाठी ‘साई क्रिकेट क्लब’च्या संघात निवड झाली आहे. या स्पर्धेतील सामने लवकरच खेळविण्यात येणार असून, त्यामध्ये राजवीर ‘साई क्रिकेट क्लब’च्या अंडर-१४ संघातून खेळणार आहे. ही निवड चाचणी दि. २ ऑगस्ट रोजी साई स्पोर्ट्स टर्फ, बर्ड व्हॅली रोड, पिंपळे सौदागर-पुणे येथे पार पडली. या निवड प्रक्रियेसाठी महाराष्ट्रातील विविध जिल्ह्यांतून जवळपास ३०० खेळाडूंनी सहभाग घेतला होता.
अवघ्या नऊ वर्षांच्या राजवीरने आपल्या क्रिकेट कारकिर्दीत आतापर्यंत ९४ सामने खेळत २३७ धावा आणि ७५ बळी अशी उल्लेखनीय कामगिरी नोंदवली आहे. लहान वयातच सातत्यपूर्ण आणि प्रभावी अष्टपैलू कामगिरीमुळे तो ‘आश्वासक क्रिकेटपटू’ म्हणून ओळख निर्माण करत आहे.
राजवीरच्या या यशामागे त्याची जिद्द, सातत्यपूर्ण सराव, मेहनत आणि ‘पुरंदर क्रिकेट अॅकेडमी’चे मुख्य प्रशिक्षक राजेश साळुंके यांचे मोलाचे मार्गदर्शन लाभले आहे. तसेच, ‘पुरंदर क्रिकेट अॅकेडमी’चे संस्थापक, माजी आ. संजय जगताप यांचे सातत्यपूर्ण सहकार्य, प्रोत्साहन आणि
खेळाडूंना उपलब्ध करून
दिलेल्या उत्तम क्रीडा सुविधा
यांचाही यशात मोठा वाटा आहे.
राजवीर बोपगांव येथील नवनाथ देवस्थान ट्रस्टचे उपाध्यक्ष दीपक शेठ फडतरे यांचा नातू आहे. बोपगांव ग्रामस्थ व सर्व संघटनाकडून अभिनंदनाचा वर्षाव होत आहे.
