उल्हासनगर : प्रतिनिधी
उल्हासनगर शिंपी समाजाच्या वतीने संत शिरोमणी श्री नामदेव महाराज यांचा ६७६ वा संजीवन समाधी सोहळा मोठ्या उत्साहात आणि भक्तिमय वातावरणात पार पडला. या सोहळ्यास समाजबांधवांसह नागरिकांची मोठ्या संख्येने उपस्थिती होती.
कार्यक्रमाला स्थानिक आमदार सौ. सुलभाताई गायकवाड तसेच स्थानिक नगरसेविका सौ. प्रणाली विजय जोशी यांची विशेष उपस्थिती होती. त्यांच्या उपस्थितीमुळे कार्यक्रमाला विशेष महत्त्व प्राप्त झाले.
यावेळी संत शिरोमणी नामदेव महाराजांच्या विचारांचे स्मरण करून त्यांच्या सामाजिक व आध्यात्मिक कार्याला अभिवादन करण्यात आले. समाजातील एकोपा, संस्कार आणि सामाजिक बांधिलकी जपण्याचा संदेशही यावेळी देण्यात आला.
संजीवन समाधी सोहळ्यानिमित्त विविध धार्मिक व सामाजिक उपक्रमांचे आयोजन करण्यात आले होते. कार्यक्रम उत्साहात पार पडण्यासाठी शिंपी समाजाच्या पदाधिकारी व कार्यकर्त्यांनी परिश्रम घेतले.
