पंडित दीनदयाळ विद्यालय मध्ये 80 वा स्वातंत्र्य दिन उत्साहात साजरा करण्यात आला. संस्थेचे अध्यक्ष प्रा.डॉ.सुधीर मुंज यांच्या शुभहस्ते ध्वजारोहण करण्यात आले. स्वातंत्र्यदिनानिमित्त विद्यालयात विविध कार्यक्रम आयोजित करण्यात आले होते. देशभक्तीपर गीतांवर विद्यार्थिनींनी सुंदर नृत्य सादर केले तसेच कवायतीचेही प्रात्यक्षिक घेण्यात आले . विविधतेने नटलेल्या आपल्या भारत देशातील विविध राज्यांतील विविध वेशभूषा करून विविधतेत एकतेचे दर्शन विद्यार्थ्यांनी घडवले. नवभारत साक्षरता अभियानांतर्गत घेण्यात आलेल्या प्रौढांच्या परीक्षेमध्ये प्रौढ साक्षरांनी यश मिळवले त्याबद्दल त्यांना मान्यवरांच्या हस्ते प्रमाणपत्र देण्यात आले.
‘वंदे मातरम ‘या गीतास दीडशे वर्षे पूर्ण झाली यानिमित्ताने विद्यार्थी- विद्यार्थिनींनी रेखाटलेल्या रांगोळ्यांचे प्रदर्शन त्याचप्रमाणे ‘वंदे मातरम’ या गीतावर विद्यार्थी विद्यार्थिनींनी तयार केलेल्या सुंदर अशा भित्तिपत्रकाचे उद्घाटन आमच्या संस्थेचे हितचिंतक तसेच आजऱ्यातील दानशूर व्यक्तिमत्व मधुकरराव क्रमित यांच्या हस्ते करण्यात आले. रांगोळीच्या प्रदर्शनाला उपस्थित सर्व मान्यवरांनी भेट दिली. कार्यक्रमासाठी संस्थेच्या उपाध्यक्षा श्रीम.विमल भुसारी ,संचालक सुधीर कुंभार , भिकाजी पाटील,आनंदा कुंभार, नाथ देसाई , सुरेश कुंभार, नगरसेविका सौ. स्मिता कुंभार , माजी विद्यार्थी ,पालक ,विद्यार्थी विद्यार्थिनी ,शिक्षक- शिक्षकेतर कर्मचारी उपस्थित होते. कार्यक्रमाचे सूत्रसंचालन प्रकाश प्रभू तर आभार भरत बुरुड यांनी मानले.
