लोहा दि. १६ ऑगस्ट २०२६
(प्रतिनिधी – हणमंत पांचाळ)
लोह्याचे भूमिपुत्र उदगीर येथील पोलीस उपअधिक्षक गजानन लक्ष्मीकांत भातलवंडे यांना राज्यसरकारचे “अतिविशिष्ट सेवा पदक २०२६” विशेष गौरव पालकमंत्र्यांच्या हस्ते लातूर येथे स्वातंत्र्य दिनी गौरविण्यात आले आहे. त्यांना यापूर्वी राष्ट्रपती पदकाने सन्मानित करण्यात आले आहे. या भूमीपुत्रांच्या सन्मानात आणखी एक मनाचा तुरा रोवला आहे. वडील लक्ष्मीकांत
आई शांताबाई पत्नी सुषमा भातलवंडे यांचे या यशात मोठे योगदान आहे.
लोह्याचे भूमीपूत्र राज्याचे सेवानिवृत कृषी व सहकार आयुक्त कृष्णा लव्हेकर,( आय ए एस ) सेवानिवृत विशेष पोलीस महानिरिक्षक मेहरबान राठोड(आय.पी.एस. ) हे प्रशासनातील उच्चपदस्थ अधिकाऱ्यांनी या भूमीचा लौकिक राज्यात वाढविला. सध्या मेहरबान राठोड याचे चिरंजीव डॉ. विनयकुमार राठोड (आयपीएस) हे ठाणे येथे जिल्हा पोलीस अधीक्षक आहेत .
या अधिकाऱ्याच्या पंगतीत भूमिपूत्र गजानन लक्ष्मीकांत भातलवंडे यांचा समावेश होतो. पोलीस दलात शिस्तप्रिय व कर्तव्यदक्ष अधिकारी म्हणून गजानन भातलवंडे यांची अतिशय चांगली कामगिरी आहे
बी.एस्सी. अँग्री पदवीधर असलेले गजानन भातलवंडे पीएसआय म्हणून पोलीस दलात १९९३ मध्ये भंडारा जिल्ह्यात पहिली पोस्टिंग झाली.
गोंदिया, परभणी, नांदेड, बीड, लातूर या जिल्ह्यात त्यांनी सेवा बजवली आहे. नांदेड येथे काही काळ पीआरओ होते. सध्या उदगीर येथे डीवायएसपी म्हणून कार्यरत आहेत.
त्यांना भंडारा येथे १९९७ मध्ये मध्ये विशिष्ट पोलीस सेवा पदक, त्यानंतर २००९ मध्ये मध्ये आंतरिक सुरक्षा पदक २००२ मध्ये राष्ट्रपती पदक तर यावर्षी म्हणजे २०२६ मध्ये अतिविशिष्ट सेवा पदक जाहीर झाले आहे शिवाय अन्य दोन पदकाने त्यांना गौरविण्यात आले होते दि. १५ आँगस्ट रोजी त्यांना लातूर जिल्ह्याचे पालकमंत्री याच्या हस्ते सन्मानित करण्यात आले आहे.
लोह्याचे भातलवंडे हे उच्च विद्याविभूषित कुटुंब आहे.
कुटुंबातील तिघेही भाऊ परभणी कृषी विद्यापीमतून पदव्युतर झाले आहेत. पांडूरंग भातलवंडे विमा अधिकारी तर मनोज भातलवंडे हे परभणी जिल्हा वेतनपथक अधिक्षक आहेत बहिणी – भाचे मोठ्या पदावर आहे. यांची मुले-मुली सुध्दा इंजिनिअर, आयआयटी मध्ये शिकत आहेत. नांदेड येथील प्रसिद्ध नेत्र रोज तज्ज्ञ डॉ. विशाल कुळकर्णी त्याचा भाचा आहे .
या यशाबद्दल शहरातील सर्व मान्यवर स्तरांतून त्यांचे अभिनंदन होत आहे.
