छत्रपती संभाजीनगरच्या सिडको येथे मानवकल्याणासाठी रक्तदान; ग्रामीण शाखांचाही उत्स्फूर्त सहभाग
छत्रपती संभाजीनगर : प्रतिनिधी
संत निरंकारी मिशनच्या संत निरंकारी चॅरिटेबल फाउंडेशन (दिल्ली), शाखा सिडको, छत्रपती संभाजीनगर यांच्या वतीने १५ ऑगस्ट २०२६ रोजी संत निरंकारी सत्संग भवन, सिडको येथे भव्य रक्तदान शिबिराचे आयोजन करण्यात आले. या शिबिराला रक्तदात्यांचा उत्स्फूर्त प्रतिसाद मिळाला असून एकूण ७१६ रक्तदात्यांनी स्वेच्छेने रक्तदान करून मानवकल्याणाच्या कार्यात योगदान दिले.
शिबिराचे उद्घाटन डॉ. शिवाजी सुक्रे, अधिष्ठाता, घाटी तसेच महात्मा डी. जी. दळवी, संयोजक व ब्रह्मज्ञान प्रचारक, छत्रपती संभाजीनगर यांच्या उपस्थितीत करण्यात आले.
ग्रामीण शाखांचाही मोठा सहभाग
फुलंब्री तालुक्यातील ग्रामीण भागातूनही विविध शाखांच्या संत निरंकारी मिशनच्या सेवकांनी स्वखर्चाने मोठ्या संख्येने उपस्थित राहून रक्तदान शिबिरात सहभाग नोंदविला. बाजारसावंगी, चौका, गणोरी, बिल्डा, विटेकरीवाडी, फुलंब्री-बहादुरेवस्ती, पाथ्री, जातेगाव आणि बोरगाव आदी शाखांनी या उपक्रमात आपला सहभाग नोंदविला.
यावेळी महात्मा एस. बी. नलावडे (मुखी, शाखा बाजारसावंगी), महात्मा जालिंदरनाथ ढाकणे (सेवादल शिक्षक), महात्मा विकासजी भाले पाथ्रीकर (प्रबंधक व प्रचारक) तसेच महात्मा रंगनाथजी नांगरे यांच्यासह ग्रामीण भागातील संत व सेवक उपस्थित होते.
बाजारसावंगी, चौका, गणोरी, बिल्डा, विटेकरीवाडी, फुलंब्री-बहादुरेवस्ती, जातेगाव, बोरगाव आणि पाथ्री परिसरातील अनेक संत व सेवकांनी रक्तदान करून ‘रक्तदान हेच महादान’ या भावनेतून मानवसेवेचा संदेश दिला.
रक्तदान शिबिराच्या यशस्वी आयोजनासाठी सहभागी सर्व शाखांचे संत, सेवक, रक्तदाते आणि आयोजकांचे योगदान महत्त्वपूर्ण ठरले. मानवकल्याणाच्या उद्देशाने आयोजित या उपक्रमातून सामाजिक बांधिलकी आणि सेवाभावाचा आदर्श निर्माण झाला.
