विविध धार्मिक कार्यक्रमांचे आयोजन; महाप्रसाद व पालखी सोहळ्याला भाविकांची उपस्थिती
रिसोड (प्रतिनिधी) :
रिसोड शहरातील आप्पा स्वामी महाराज मंदिरात श्रावण महिन्यानिमित्त दरवर्षी विविध धार्मिक व आध्यात्मिक कार्यक्रमांचे आयोजन करण्यात येते. या उत्सवाला शहरासह परिसरातील भाविकांची मोठी उपस्थिती लाभते.
श्रावण महिन्यात मंदिरात गोकुळाष्टमी तसेच एकादशीच्या निमित्ताने महाप्रसादाचे आयोजन करण्यात येते. या महाप्रसादाचा शहरातील तसेच परिसरातील अनेक भाविक भक्त लाभ घेतात. धार्मिक कार्यक्रमांमुळे मंदिर परिसरात भक्तिमय वातावरण निर्माण होते.
रिसोड शहरात पारंपरिक पद्धतीने पोळा व कर उत्सव साजरा केला जातो. आप्पा स्वामी महाराज मंदिरातही कर उत्सवाचे आयोजन करण्यात येते. उत्सवाच्या दुसऱ्या दिवशी बाहेरगावाहून मोठ्या संख्येने भाविक मंदिरात दर्शनासाठी येतात.
मंदिरात वर्षभर विविध धार्मिक कार्यक्रम आयोजित केले जात असून, भाविक मोठ्या श्रद्धेने या कार्यक्रमांमध्ये सहभागी होतात. तसेच संत अमरदास बाबा यांच्या पुण्यतिथीनिमित्त नगर प्रदक्षिणा पालखी सोहळ्याचे आयोजन करण्यात येते. या पालखी सोहळ्यात भाविक भक्त सहभागी होऊन संत अमरदास बाबा यांना श्रद्धांजली अर्पण करतात.
आप्पा स्वामी महाराज मंदिरातील धार्मिक परंपरा आणि विविध उत्सवांमुळे रिसोड शहराच्या आध्यात्मिक व सांस्कृतिक वातावरणाला विशेष महत्त्व प्राप्त झाले आहे.
