मुबंई प्रतिनिधी /रोहन दळवी :
शिवडी परिसरात भक्तिमय आणि उत्साहपूर्ण वातावरणात आई माऊलीचे आगमन झाले. आई माऊलीच्या स्वागतासाठी परिसरातील भाविकांनी मोठ्या संख्येने उपस्थिती लावून श्रद्धा आणि भक्तिभावाने स्वागत केले. ढोल-ताशांचा गजर, जयघोष आणि उत्साहपूर्ण वातावरणामुळे संपूर्ण परिसर भक्तिरसात न्हाऊन निघाला.
आई माऊलीच्या आगमनाच्या निमित्ताने शिवडीतील रस्ते आणि परिसरात उत्साहाचे वातावरण पाहायला मिळाले. भाविकांनी आई माऊलीच्या दर्शनासाठी गर्दी केली. फुलांची सजावट, आकर्षक रोषणाई आणि भक्तिमय वातावरणामुळे आगमन सोहळ्याला विशेष शोभा प्राप्त झाली. “आई माऊलीचा विजय असो!” अशा जयघोषांनी परिसर दुमदुमून गेला.
या सोहळ्यात महिला, ज्येष्ठ नागरिक, युवक आणि लहान मुलांनी उत्साहाने सहभाग घेतला. अनेक भाविकांनी आई माऊलीचे दर्शन घेऊन सुख, समृद्धी, आरोग्य आणि कुटुंबाच्या कल्याणासाठी प्रार्थना केली. आई माऊलीवरील श्रद्धा आणि भक्तीचा अनोखा संगम या वेळी पाहायला मिळाला.
शिवडीची धार्मिक आणि सांस्कृतिक परंपरा जपणाऱ्या या सोहळ्यामुळे परिसरातील नागरिकांमध्ये एकोपा आणि सामाजिक बांधिलकीची भावना अधिक दृढ झाली.
