तालुका प्रतिनिधी
गोपाल चंदनसे
पातूर -शासनाकडे टँकर सुरू करण्याची मागणी
सावरगाव मध्ये ऑक्टोंबर मधेच
हापशी-बोअर आटले; पिण्या साठी गढूळपाणी आणि दूषित पाणी वापरावे लागत आहे, पाण्यामुळे आरोग्याचा धोका निर्माण झाला आहे , तेव्हा शासनाने तात्काळ टँकर सुरू करावे
सावरगाव गावातील पिण्याच्या पाण्याची समस्या दिवसेंदिवस गंभीर होत असून नागरिकांना पिण्यायोग्य पाण्यासाठी मोठ्या अडचणींचा सामना करावा लागत आहे. भगवान लाड, उत्तम लाड, अशोक चौधरी व समाधान अवचार यांच्या घरासमोरील परिसरासह झोपडपट्टी आणि तांडा येथील अनेक हापशी व बोअरवेल आटल्या आहेत. काही ठिकाणी उपलब्ध होणारे पाणी अतिशय गढूळ असल्याने ते पिण्यासाठी वापरणे धोकादायक ठरू शकते.
गावातील महिला, पुरुष व शेतमजूर यांना पाण्यासाठी दूरवर जावे लागत असून त्यांचा मोठा वेळ पाणी आणण्यात खर्च होत आहे. त्यामुळे रोजंदारीवर काम करणाऱ्या मजुरांच्या रोजगारावरही परिणाम होत आहे. लहान मुले, वृद्ध नागरिक आणि महिलांना या टंचाईचा विशेष त्रास सहन करावा लागत आहे.
ग्रामपंचायतीने तात्काळ दखल घ्यावी!
सावरगाव ग्रामपंचायतीने पाणीटंचाईग्रस्त भागांची पाहणी करून तातडीने पिण्याच्या पाण्याचे टँकर सुरू करावेत. तसेच बंद किंवा अपुऱ्या क्षमतेने सुरू असलेली नळ पाणीपुरवठा योजना त्वरित कार्यान्वित करून नागरिकांना स्वच्छ व सुरक्षित पाणी उपलब्ध करून द्यावे, अशी मागणी करण्यात येत आहे.
नागरिकांच्या आरोग्याशी संबंधित हा गंभीर प्रश्न असल्याने ग्रामपंचायतीने विलंब न करता तातडीने उपाययोजना कराव्यात, अशी अपेक्षा व्यक्त होत आहे.
मागणी : सावरगावला तात्काळ पाणी टँकर सुरू करा अथवा नियमित नळ पाणीपुरवठा सुरू करा!
अशी गावकऱ्यांकडून मागणी होत आहे
🙏🏽🙏🏽
