प्रतिनिधी-दरिकांत कोळेकर.
कुरुंदवाड :-शिरोळ तालुक्यातील औरवाड (अमरापूर ) येथील प्रगत शेतकरी यांनी सद्या शेतकऱ्यांना काहीही किंमत नसल्याचे सांगितले. सद्या दुष्काळ सदृष परिस्थिती निर्माण झाली असून पिकांना पाणी कमी पडत असून नैसर्गिक पाऊसाचे पाणी म्हणजे डोस असतो, पण पाऊसच पडत नाही. त्यामुळे पिकांची म्हणावी तशी वाढ झाली नाही, माझी केळीची बाग असून सद्याचा दर पाहिला तर एकरी टणास ७००० ते ८०००रुपये इतका आहे. पूर्वी हा दर १८०००ते १९०००रुपये इतका होता म्हणून आम्ही केळीची शेती केली मात्र दरा अभावी शेती परवडेना झालीय. येणारा खर्च पाहता आणि आताच विक्री दर पाहता निम्म्याने जादा खर्च येत आहे,
त्यामुळे शेतकऱ्यांच्या मुलांची लग्ने ठरत नाही. कित्येक मुले बिन लग्नाची आहेत,
पुढे ते म्हणाले की “आमच्या शेतात जर नजरचुकीने विद्युत खांब पडला तर आमच्या कडून शक्तीने वसून करून घेतात. आणि त्यांच्या चुकीमुळे कित्येक महिला, मुले मेलीत त्यांना काहीही मदत करत नाही कसली ही विद्युत वितरण कपंनी, उसाच्या फडास आग लागते, शेतकऱ्यांना काहीही मदत करत नाही, चिमणी, कावळा चिकटून शॉर्ट सर्किट झाले, आम्ही काही देऊ शकत नाही वर तुमचा रिपोर्ट पाठविला आहे पाहू आल्यावर असे म्हणतात, पूर्वी ८तास वीज वितरण कपंनी वीज पुरवठा करायची ती आता ६ तासावर आणली आहे, शेतीसाठी पुन्हा २ तास कमी वीज कपात केली त्यामुळे शेतीला पाणी कसे पाजायचे आम्ही कसे जगायचे असा प्रश्न मांडला.अनेक समस्या शेतकऱ्यांच्या आहेत. शेतकऱ्यांना कोणी वालीच राहिला नाही. साखरेचा दर नेहमी वाढत राहतो, मात्र ऊसाचा दर वर्षातून एकदाच वाढतो ते ही FRP (एफ आर पी)प्रमाणे देतात. खते महाग झालेत, शेतीचे औषधे महाग झालेत. शेतकऱ्यांनी कसे जगावे. याकडे शासनाने लक्ष दिले पाहिजे” असे म्हणाले.
