शिराढोणमध्ये शैक्षणिक उपक्रमासह वृक्षसंवर्धनाचा संकल्प; गावातील वृक्षांना पुढील वाढदिवसापर्यंत नियमित पाणी देण्याचा किरण पाटील यांचा निर्धार
प्रतिनिधी : धाराशिव
तुळजापूर विधानसभा मतदारसंघाचे आमदार राणाजगजितसिंह पाटील यांच्या वाढदिवसाचे औचित्य साधून आणि त्यांच्या प्रेरणेतून जिल्हा परिषद प्रशाला, शिराढोण येथे विद्यार्थ्यांना वह्यांचे वाटप करण्यात आले. शिक्षणाला प्रोत्साहन देण्यासोबतच पर्यावरण संवर्धनाचा संदेश देत हा वाढदिवस सामाजिक उपक्रमांच्या माध्यमातून साजरा करण्यात आला.
गेल्या पंधरा वर्षांपासून सौ. अर्चनाताई राणाजगजितसिंह पाटील यांच्या वाढदिवसानिमित्त शिराढोण येथे विद्यार्थ्यांना शालेय साहित्य वाटपाचा उपक्रम सातत्याने राबविण्यात येत आहे. याच सामाजिक बांधिलकीच्या भावनेतून यंदा आमदार राणाजगजितसिंह पाटील यांच्या वाढदिवसानिमित्त आणि त्यांच्या मार्गदर्शनानुसार परिसरातील दुष्काळी परिस्थिती लक्षात घेऊन समाजोपयोगी उपक्रम राबविण्यात आला.
दुष्काळाच्या कठीण परिस्थितीत विद्यार्थ्यांच्या शिक्षणात कोणताही अडथळा निर्माण होऊ नये आणि त्यांना शैक्षणिक वाटचालीसाठी प्रोत्साहन मिळावे, या उद्देशाने शाळेतील विद्यार्थ्यांना शालेय साहित्याचे वाटप करण्यात आले. यावेळी शाळेतील शिक्षिका डासाळकर मॅडम यांनी विद्यार्थ्यांना आमदार राणादादा पाटील यांच्या शैक्षणिक, सामाजिक आणि राजकीय क्षेत्रातील कार्याची तसेच विविध उपक्रमांची माहिती दिली. त्यांच्या कार्यातून विद्यार्थ्यांना समाजसेवेची प्रेरणा मिळावी, हा या मार्गदर्शनामागील उद्देश होता.
वृक्षसंवर्धनाचा प्रेरणादायी संकल्प
आमदारांच्या वाढदिवसानिमित्त किरण पाटील यांनी शिराढोण गावातील सर्व वृक्षांना पुढील वाढदिवसापर्यंत नियमित पाणी देऊन त्यांचे संवर्धन करण्याचा संकल्प केला आहे. दुष्काळी परिस्थितीत वृक्षांचे संरक्षण आणि पर्यावरणाचा समतोल राखण्यासाठी घेतलेला हा पुढाकार विशेष महत्त्वाचा मानला जात आहे.
या कार्यक्रमाला भाजपा तालुकाध्यक्ष दत्ताजी साळुंखे, पंचायत समिती सदस्य गजानन माकोडे, सरपंच लक्ष्मीताई म्हेत्रे, भाजपा उपाध्यक्ष किरणदादा पाटील, ग्रामपंचायत सदस्य बेबीनंदा गोरे मॅडम, भाजपा युवा मोर्चा सचिव निलेशजी नाईकवाडे, ग्रामपंचायत सदस्य रमेश पवार आणि शालेय व्यवस्थापन समिती सदस्य अनुपकुमार परदेशी उपस्थित होते.
तसेच शाळेचे मुख्याध्यापक इनामदार सर, अहिरे सर, शिंदे सर, काकडे सर, जाधव सर, पोतदार मॅडम, कुलकर्णी सर, मुरदुडे सर यांच्यासह सर्व शिक्षकवृंद उपस्थित होते.
विद्यार्थ्यांच्या चेहऱ्यावरील आनंद, शिक्षकांचे मार्गदर्शन आणि वृक्षसंवर्धनाचा संकल्प यामुळे आमदार राणाजगजितसिंह पाटील यांचा वाढदिवस सामाजिक बांधिलकी जपत साजरा करण्यात आला. वाढदिवस केवळ उत्सवापुरता मर्यादित न ठेवता शिक्षण, समाजसेवा आणि पर्यावरण संवर्धनाच्या माध्यमातून साजरा करण्याचा संदेश या उपक्रमातून देण्यात आला.
यावेळी उपस्थितांनी आमदार राणाजगजितसिंह पाटील यांना वाढदिवसाच्या मनःपूर्वक शुभेच्छा दिल्या.
