संकेत औताडे यांच्या पुढाकारातून स्पर्धेचे आयोजन; आयोजकांचे कौतुक करत खेळाडूंना दिल्या शुभेच्छा
केज | प्रतिनिधी
अंबाजोगाई तालुक्यातील सेलू अंबा येथे आयोजित टर्फ क्रिकेट स्पर्धेचा उद्घाटन सोहळा उत्साहात पार पडला. या सोहळ्याला पन्नगेश्वर साखर कारखान्याचे चेअरमन अक्षय भैय्या मुंदडा (भैय्यासाहेब) यांनी उपस्थिती लावली. यावेळी त्यांनी स्पर्धेच्या आयोजनाचे कौतुक करून आयोजकांचे अभिनंदन केले आणि सहभागी खेळाडूंना शुभेच्छा दिल्या.
राष्ट्रवादी काँग्रेसचे तालुकाध्यक्ष राजेभाऊ औताडे यांचे सुपुत्र संकेत औताडे यांनी या स्पर्धेचे नियोजन केले आहे. त्यांच्या पुढाकारातून परिसरातील क्रीडाप्रेमींना आपले कौशल्य दाखविण्यासाठी व्यासपीठ उपलब्ध झाले आहे. स्पर्धेच्या आयोजनाबद्दल अक्षय भैय्या मुंदडा यांनी संकेत औताडे यांचे विशेष अभिनंदन केले.
या प्रसंगी माजी मंत्री तथा आमदार धनंजयजी मुंडे, अंबाजोगाईचे नगराध्यक्ष नंदकिशोरजी (काकाजी) मुंदडा, माजी आमदार संजयजी दौंड, दत्ता आबा पाटील, शिवाजीराव शिरसाट, राजकिशोरजी मोदी, बबन लोमटे, संजय गंभीरे, कमलाकर कोपले, गोकुळ नाना कदम, जयसिंग चव्हाण, बाळासाहेब शेप यांच्यासह विविध क्षेत्रांतील मान्यवर, आयोजक आणि क्रीडाप्रेमी मोठ्या संख्येने उपस्थित होते.
यावेळी अक्षय भैय्या मुंदडा यांनी स्पर्धेत सहभागी झालेल्या सर्व संघांना आणि खेळाडूंना उत्तम खेळाचे प्रदर्शन करण्यासाठी मनःपूर्वक शुभेच्छा दिल्या.
