मित्रमंडळींच्या वतीने शाल, पुष्पहार आणि भारतीय संविधानाची प्रास्ताविका देऊन सन्मान
मुखेड | प्रतिनिधी
पशुवर्धन पर्यवेक्षकपदी निवड झाल्याबद्दल प्रतीक लिंबेकर यांचा मित्रमंडळींच्या वतीने शाल, पुष्पहार आणि भारतीय संविधानाची प्रास्ताविका देऊन सत्कार करण्यात आला. त्यांच्या या यशाबद्दल उपस्थितांनी अभिनंदन करून पुढील वाटचालीस शुभेच्छा दिल्या.
या सत्कार सोहळ्याला मुखेड अभिवक्ता संघाचे उपाध्यक्ष अ‍ॅड. शंकर बादावाड, ग्रामपंचायत अधिकारी साहेबराव पांडुर्णिकर, प्राचार्य तथा स्पर्धा परीक्षा मार्गदर्शक संघशिल भद्रे ऊर्फ एस. एन. नांदेडकर सर आणि स्पर्धा परीक्षा अभ्यासक कैलासजी लोहबंदे उपस्थित होते.
यावेळी उपस्थित मान्यवरांनी प्रतीक लिंबेकर यांच्या यशाचे कौतुक केले. मित्रमंडळींनी त्यांना शाल, पुष्पहार आणि भारतीय संविधानाची प्रास्ताविका भेट देऊन सन्मानित केले. हा सन्मान त्यांच्या मेहनतीची आणि कर्तृत्वाची दखल घेणारा ठरला. उपस्थितांनी त्यांच्या पुढील सेवाकार्यासाठी सदिच्छा व्यक्त केल्या.
